Bigarren Mundu Gerran Belgika, Frantzia eta Euskal Herrian soldadu eta hegazkin-pilotu aliatuei Erresuma Batura heltzen laguntzen zien erresistentziaren sare antolatua zen Comète sarea.

1941 urtean De Jongh flandriar aita-alabek sortu zuten sarea. Bidasoa aldean zuten bidea salatua izan ondotik, Angelutik Larresorora zioan bide bat ireki zuten, guarda eta kontrabandisten laguntzarekin. Larresoroko Mandoxeneko Borda pausa gune zen, eta ondotik Ezpeleta, Urdazubiko borda bat, Amaiur, Donostia, eta Gibraltarrera heltzeko.

Irailaren 10a ostegunetik aitzina hainbat hitzordu proposatzen dituzte sarea gogoratzeko, irailaren 13a arte. Beñat Olaizola elkarteko kidearen gana joan gira.