Kirolean ere euskararen presentzia handitu behar baita, “Eskubaloiaren ahotsak” entzun dira Baionako Lauga gelan. Euskararen Urtaroaren kari, Baionako eta Miarritzeko taldeak uztartzen dituen Côte Basque Handball-Euskal Kostak, gazte batzu jarri nahi izan ditu partiden euskaraz komentatzen. Gure Irratia eta lekuko adituen laguntzarekin, formakuntza labur baten ondotik, N1 mailan ari den nesken partidaren komentarioak egin zituzten : Euskal-Kosta / Bléré-ren arteko partida, eta ondoko elkarrizketak.

Aitzinetik eskertzen ditugu parte hartzaile guziak Romane Abadie Baron, Ana Amestoy, Ellande Berling-Arrossagaray, Uhaina Chaulet-Amunzateguy, Oihana Delgado, Felicie De Prito, Gabin De Prito, Jone Hirigoyen, Arsene Pargade, Saio Peltier, Mia Ubiria eta Alaitz Verdun.