Aines Hariztoien ametsa zen aspaldian ostatu-liburu denda bat sortzea eta biziaraztea. Urtea beterik Hazparne zentroan, azkenean konkretizatu den ametsa zela erran digu. Bakarrik eramateak dakarren zailtasunak gaindituta, erran digunaz, pozik doa egunero ostatu-liburu dendaren irekitzera. Aski fite hazpandarren ohituretan sartu da gunea, izan liburuak erosteko, baso bat hartzeko edo telelanean aritzeko ere.

Udan Et'abar karrikara hedatzen da

Udarekin batera kontzertuak antolatzen ditu Ainesek, ostiral honetan uztailaren 10ean Santi DDC 19:00etatik aitzina ariko da. Sasoiko berezitasuna da, uda izanki Jean Lissar ibiltarientzat bakarrik izaten dela tarteka. KOntzertua eta terraza gunea karrikan izango dira beraz. Agorrilaren 21eko eguna atxikitzekoa izanen da, Rüdigerrek kontzertua eskainiko baitu ere. Jakin gainera, udan igande goizetan ere irekia dela Et'abar.