Baionan,urriaren 17an eta Euskal Konfederazioren sostenguarekin, Paul Molac eta Peio Dufau deputatuek berretsi dute Frantziako Konstituzioaren bigarren artikulua aldatu nahi dutela. Azpimarratu dute jadanik 88 deputatuk izenpetu dutela lege proposamena, eta ideia dutela presidentzialak aintzin bozka araztea Frantziako parlamentuan. Asanbladako gai ordenean sartzeko, LIOT talde parlamentarioaren bidez egitea pentsatzen dute, 2027ko urtarril ondarrean. Ondotik nor izanen den Frantziako presidente berria erabakigarria izan daiteke.

Euskal konfederazioak jadanik ohartarazi du “Pour que vives nos peuples” federazioaren bidez Frantziako hauteskunde presidentzialerako hautagaiak galdezkatuko dituela, 2. Artikulu horren aldaketaz.