Itsasuko Arrokagarai Ikastolak urte bukaera markatzeko, asteburu berezia antolatu du. Abenduaren 19an ostiralez Goxoki gaztetxean, Noiz, Auhen, Xiston of a Down eta DJ Doydoy izango dira 22:00etatik aitzina. Biharamunean Olentzeroren eguna izango da, 17:30tatik aitzina herriko etxetik abiatuta desfilea plazaruntz joango da ondotik. Eta igandean, Eñaut Elorrietaren kontzertua izango da elizan 17:00etan, lekuak aitzinetik hartzen ahal dira. Maitena Monaco ikastolako besta taldekoa eta Mirentxu Lazkano Euskaraz bizi taldeko burasoekin hitz egin du Panpi Merkapidek.

Jakin asteburua ongi bukatzeko, Balaki trinketeak 19:00tan Xak taldearen kontzertua ere proposatzen duela.