Urriaren 6tik 10era, egunero kasik 850 apairu egiten dituen Bidarteko jantegi kolektiboak bere desafioa bete du. Egunero eskola edota adindunentzat bazkariak egiten ditu herriko jantegiak. Eta BLE elkartearekin elkarlanean, kalitatean ozka bat eman dute. Hurbileko laborariekin elkarlanean, Les Pieds Dans le Plat kolektiboko Dordoinako sukaldari formatzaile batzuei esker, kalitatezko janari ona proposatu dute, orain arteko kostu berdintsuarekin.

Bidarteko kantinako langileak partaide onak izan dira BLErentzat, jada ainitz egiten baitzuten bide hortarik - haien ogia egiten dute jada adibidez. Aste horren helburua argia zuten, Ipar Euskal Herriko beste jantegi kolektiboei, Herriko etxeei baita Euskal Elkargoari ere, erakustea, elkarlana eta nahikeriarekin posible dela kalitatezko elikagaia proposatzea. Bilana egiteko, Arantxa Idieder mintzatu da BLE elkarteko lehendakaria, Nikolas Mendiboure, eta kide den Iñaki Etxelekurekin.