KRONIKAK
JULEN JAUREGI | NATURA
MIFENEC aholku eta ikerketa zentroko arduradun tekniko den Julen Jauregirekin segitzen dugu aurten ere Gure Irratian.
Olatz Idoatek sasoia berekin pasako du hilabetean behin eta gaurko lehen saio honetan, ihizia irekia baita, basurdeaz aritu dira. Uztaritze eta Senpere arteko oihanean ibili dira.
Azken kronikak sortu baititu eztabaidak, ihizia eta basurdea aipatu nahi izan ditu Julenek, azken urteetan doblatu da basurdeen presentzia, neguak ez baitira lehen bezain hotzak.
2023ko Irailaren 27a
KRONIKAK
JULEN JAUREGI | NATURA
Xipak, Sarboak edo Gobi Gobio, Loloak arrain ttipi batzu eta Amuarrain batzu arrantzatzen ari direla haurtxo batzu, Julen Jauregik bere sasoiko azken kronikarentzat MIFENEC elkarteaz hitz egin nahi zuen, baita naturarekiko egiten den pedagogia, eta honen garrantziaz.
Naturan ibiltzea burasoekin, garai batez gehiago egiten zen, erreka bazterretan ibiliz, natura erabiliz trasmititzen den hori galdu dela uste du Julen Jauregik. Parada beretzat ere arrantza eta ihizia aipatzeko.
2023ko Ekainaren 09a
KRONIKAK
JULEN JAUREGI | NATURA
Elektrikazko arrantza, badakizue zer den?
Ez badakizue… adi egon ondoko minutetan, MIFENEC aholku eta ikerketa zentroko arduradun tekniko den Julen Jauregik esplikapenak eman baitizkio Olatz Idoateri, Mugerre, Lehuntze eta Beskoitze artean dira aldi honetan, erreka bazterrean.
2023ko Maiatzaren 12a
KRONIKAK
JULEN JAUREGI | NATURA
MIFENEC aholku eta ikerketa zentroko arduradun tekniko den Julen Jauregirekin Lehuntzen segitzen du hilabete honetan ere Olatz Idoatek. Gaurkoan konposta eta landare inbaditzaileak dituzte aipatu.
Landare inbaditzaileak konpostagailu erraldoietan jarri dituzte, eta 30 urte hasi prozeduraren ondorio eta onurak ikusi dituzte.
2023ko Apirilaren 17a
KRONIKAK
JULEN JAUREGI | NATURA
MIFENEC aholku eta ikerketa zentroko arduradun tekniko den Julen Jauregirekin koartza aipatuko dugu. Lehuntze aldean segituz, Lertxunen mundu miresgarria aipatu ondotik, beste hegazti hau dugu hobeki ezagutuko.
2023ko Martxoaren 17a
KRONIKAK
JULEN JAUREGI | NATURA
MIFENEC aholku eta ikerketa zentroko arduradun teknikoa den Julen Jauregirekin segitzen du Olatz Idoatek 2023 urte huntan ere.
Aurten Lehuntze aldean segitzen dute eta hilabete huntan, Lertxunen mundu miresgarrian murgildu dira.
Bi kronika behar izan dira lertxunen bizi miresgarria aipatzeko. Migrazio bide horren baitan, ugaldeketak bere garrantzia du ere. 40 urteko biziraupena du lertxun batek, eta bizi osoan bikote berdinarekin egongo da.
Entzun Julen Jauregiren bigarren kronika hau.
2023ko Urtarrilaren 24a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016