MP3 jaitsi

Michel Harispuru, makila egilea izan da aste honetako gomita. Behaskanekoa sortzez, Baionan bizi da orain, eta kasik 20 urtez ingeniari izan da hegazkingintzan.

Bere bi osabek Ibarlan zuten makila fabrikaren segida hartzea deliberatu zuelarik bere lana utzi du, eta zortzi urtez Petri eta Panpi Harispururekin formatu da.Züzülun kokatua den Baionako tailerrean lan parte baten egitea erabaki du eta bestea Ibarlan.

MP3 jaitsi

Ziburuko 6. liburu eta disko azoka iraganen da larunbatean Ziburuko plaza inguruan. Argia astekaria eta Baltsan elkarteak, 43 argitaletxe gomitatu dituzte aurten argitaratu 110 berrikuntza aurkezteko. 1200 bat bisitari ibiltzen dira usaian.

Antolaketan den Ladix Arrosagarai, asteazkeneko gomita izan dugu, Panpi Mercapiderekin aipatu dute egitaraua. Bestelako gaiak ere aipatu dituzte oren bateko solasean, tartean ikastolen baitan sortu zuten Integrazio Batzordea.

MP3 jaitsi

Robert Andueza Larresoroar Lapurdi garajearen sortzailea aste honetako gomita izan da.

Duela 35 urte hasi zen, eta berriki erretreta hartu du, Mikel bere semeari garajeako giltzak utziz.

Euskarak bere lekua du komunikazioan ere: “nere auto berria hemen erosten dut” irakur daiteke.

Mekanikari interesatzen den gazteak eskas direla azpimarratu digu. Berriki migrante batzueri ere xantza eman die mekanika entseatzeko bere autotegian. Atea idekiak proposatzen dira lanbide hau ezagutarazteko.

Bainan Robert Anduezak erran digu, lehen gazteak ate joka ibiltzen baziren aprendizgoan sartzeko, azken urteetan interes gutiago erakusten dela ofizio honentzat damutzen da.

MP3 jaitsi

Aines Hariztoi izan da asteazken honetako gomita. Et’abar deitu ostatu liburu denda irekiko du Hazparnen, ekain hastapenean, Lissar karrikaren 17.zenbakian.

Literaturari dedikatu gune bat, liburuak salduko baititu hemen, eta leku berean kafe edo beste hartzen ahalko baita ostatuan. Kultur ekintzak, liburu aurkezpen, erakusketak ere proposatuko ditu gune berri horretan.

MP3 jaitsi

Eneko Gorri arbonarra izan da gure aste honetako gomita. Militantzia, dantza, UEU, Euskara eta Plazara aipatu ditu besteak beste Panpi Merkapiderekin.

Luzaz laguntzaile izan da EHZ festibalean, eta oroitzapen horiek oraindik gogoan zituela eta esperientzia ezinago formatzailea zela erran dio besteak beste. Plazara kooperatibako sortzaile eta kide da orain Eneko Gorri, hortaz ere aritu dira.

MP3 jaitsi

Bizikleta zale, Luxi Detxart baionarrak, 5000 kilometro egin berri ditu bere bi errotadunarekin, Europan zehar 8 hilabetez.

Kontinente zaharra ezagutzeko parada ederra, baina hori baino gehiago hainbat arlo uztartu dizkio bere bidaiari Jujitsua eta militantzia besteak beste. Burua bete ideia sartu da Euskal Herrira. Asteazken honetako gomita izan da Olatz Idoaterekin.

MP3 jaitsi

Maialen Alfaro angeluarra hurbildu da Gure Irratira aste honetan. 15 urtez, gorputz heziketa irakasle izan ondotik, orain sofrologoa da, musikaz lagundurik.

Kantari eta gitarristak, istorio parte hartzaileak proposatzen ditu bere ikusgarrietan, eta azken garaietan Hiru Emazte Kantari Gogoan emanaldian ibiltzen da, Lurdes Iriondo, Estitxu Robles eta Maite Idirin omentzeko.

Sofrologia aipatu dute Panpi Mercapidekin, nahiz eta medikuntza ez izan, mediku batek sortu duela esplikatu dio.

MP3 jaitsi

Argitxu Camus Etxekopar izan da gure aste honetako gomita. Xiberotarra sortzez, Onizepekoa eta gaur Baionan bizi da.Euskal Ikasketetan doktore izan da Ameriketako Estatu Batuetan, Renoko unibertsitatean.

Euskal emigrazioa eta diaspora, landu eta gogokoen dituen gaiak aipatu dizkigu.

Euskaldunek elkarri igorri gutunak aztertu ditu, zer harreman zuten familiakoekin. Familia batzu hustu direla erran digu,ameriketarat dirua egiteko xedearekin joaiten baitziren.