MP3 jaitsi

Sortzez heletarra den Michel Etxeberri, pilotari kantaria gure gomita izan da asteazken honetan.

Aupa Pilota, azkenik atera duen diskoa hogeita bederatzigarrena du, eta 76 urtetan oraindik kantaldiak eskaintzen ditu Euskal Herritik kanpo ere.

Hogeita hamargarren diskoari pentsatzen duela erran digu, osoki euskaraz egin nahi lukeena. Panpi Mercapideren gomita izan da ordu batez Michel Etxeberri, gai ainitz aipatzeko parada izan dute.

MP3 jaitsi

Astezken goiz honetan, Alaia Cachenaut izan da gure aste honetako gomita. Sorkuntza koreografikoa eta kultura eskubideen galdera Euskal Herrian aztertzen ari da bere Doktoretzako tesiarentzat.

Uztaritzeko Kaskarotetan neskak integratzearen inguruan film baten egiten ari da antropologoa. Panpi Mercapideren gomita izan da ordu batez.

MP3 jaitsi

Idoia Rodriguez Mondragon, idazlea izan da gure Asteazkeneko gomita aste honetan. Arte plastikoak ikasi ditu, Euskara irakasle izan da 10 urtez. Momentuz disponibilitate bat hartu du, feminismoa eta generoaren inguruko tailer edo mintzaldiak animatzeko.

Euskara eta Hezkuntza zientzietako doktorea da eta hautatu duen tesiarentzat, gazte literaturako estereotipoak aztertu ditu. Panpi Mercapiderekin ordu batez egon dira solasean.

MP3 jaitsi

Uztaritzeko istorio eta ipuin kontatzaile famatu bat genuen asteazken honetan gurekin: Xan Errotabehere.

Euskaraz behar dela gozatu, eta hitzekin sortu behar direla irudiak eta magia aipatu digu.

Xan Errotabeherek ez ditu hitzak falta, eta istorio kondan hartzen duen plazera aipatzeaz gain, erran dauku ere Lapurditik kanpo egon dela ingeles irakasle.

MP3 jaitsi (61 Mo)

Aste honetako Asteazkeneko Gomita, Oihana Zamponi-Galé Eusko Ikaskuntzan komunikazio arduraduna eta proiektu eramaile dena izan dugu gurekin.

Bidaiatzeko duen gustua aipatu digu, beste pasio bat, istorio eta ipuin kondaketa, Zernahi deitzen den elkartearekin. Baita mozorrotzeko duen gustua ere, ihauteri edo gau beltz garaietan.

Ostiralean Eusko Ikaskuntza-Baiona Hiriko sari banaketa izanen da arratsaldeko 6.30tan Baionako Herriko Etxean; hortaz ere hitz egin dute Panpi Mercapiderekin.

MP3 jaitsi

Auxtin Zamora senpertarra izan dugu gomita asteazken goiz honetan Gure Irratian.

Olerkari, argazkilari, artistak bere azken lana aipatu digu. Senpereko etxe gehienen itzulia egin du, hauen izen, helbide, datu geografikoak biltzeko. Lan hau eta 26. Hatsaren poesia bilduma aurkeztuko ditu Durangoko azokan.

Joan den asteburuan izan zen Loraldiberri Urruñako azoka, nahiago duela Durangokoari salatu digu.

MP3 jaitsi (47 Mo)

Urruñako Herriak, bere komertsantak eta ofizialeak nahi izan ditu lagundu eta goraipatu aste berezi baten bidez: Merkataritza eta ofizialegoaren astean sartu du Urruña herriko etxeak.

Mikela Forestier, komertzioaren eta merkatuaren arduraduna, egunaren helburuak aipatzeko gomitatu dugu, bainan bere ibilbideaz hitz egiteko ere.

MP3 jaitsi (61 Mo)

Filgi Claverie, Biarritzeko kultur eragilea izan dugu gomita astezken honetan.

Kultura arloan, egitura desberdinen sortze edo garapenean parte hartu du: Eihartzea kultur etxea, Euskal Kultur Erakundea, Seaska, Biarritz Culture, Maitaldia, Dantzaz konpainia edota Errobi lurralde eremuko kultura zuzendari gisa ere.