MP3 jaitsi (34 Mo)

1937- 1939 urteen artean, Uztaritze ondoko Jatsu herrian 34 haur egon ziren, Ana Belen eta Manuel de Intxausti-k alokatzen zuten Denisenia etxean.

Espainiako gerla bete-betean, Gernikako bonbardaketa gertatu zen garaian, bi urte horietan, Intxaustiarrek zaindu, eta eskolatu zituzten gerlatik ihes joan ziren haurrak.

Etxe hortan egon ziren, hiru emazte elkarrizketatu ditu Terexa Lekunberri antropologoak, hilabete honetako kronikan aipatu dizkionak Arantxa Idiederri.

MP3 jaitsi (32 Mo)

Azkainen sortua bainan, Lehuntzen errotua: 1933 urtean sortu zen Maixan Albistur entzutea proposatzen digu hilabete honetan Terexa Lekunberrik bere hilabeteko kronikan.

Sukaldaria zuen senarra segitu du, Frantziako leku desberdinetan, Lehuntzen definitiboki instalatu arte. Aturri bazterreko herrian, Portuko ostatua berriz hartu zuten.

Lehuntzeko bizia, Aturrikoa, euskararen presentzia eta beste aipagai gaurko kronikan Arantxa Idieder.

MP3 jaitsi (33 Mo)

2014an filmatu zuten Adrien Iratzoquy azkaindarrarekin elkarrizketa, Eleketa proiektuarentzat.

Terexa Lekunberri antropologoak berekin izan zuen solasa ekarri nahi izan du hilabete honetako kronikan, abendu hastapenean, 92 urte zituela, bizia galdu berri duelarik.

Saran sortua, bainan Azkainen handitua, lanbidez zurgina, zaletasunez kantaria, garai bateko ohiturak gogoan zituenak beti. Gerla garaiko kontrabanda ere aipatu zuten.

Terexa Lekunberrirekin mintzatu da Arantxa Idieder.

MP3 jaitsi (36 Mo)

Terexa Lekunberri, antropologoak hilabete honetan 100 urte bete berri dituen Pierrot Etxeleku entzutea proposatzen digu.

Arbonarrak, 22 urte pasa ditu Euskal Herritik kanpo, bainan gogoan ditu, haurtzaro garaiko ihauteriak, ala urte berriak etxez-etxe ospatzen zirelarik.

Ihauteri garaia adibidez Pierrot Etxelekuren familiarentzat, etxeetan janaria biltzeko parada zen, xingarraren azala? kailua? baldin bazen ere. Arantxa Idiederrekin hitz egin du Terexa lekunberrik.

MP3 jaitsi (30 Mo)

Gazte zelarik, Bankara joan ziren bere xerka Baionan lan egiteko. Geroztik Baionako Bar du Marché ostatuko figura da Josephine Erramoun.

Terexa Lekunberri antropologoaren kronikan gaur, duela hilabatea hasi lekukotasunarekin segitzen dugu.

1941ean sortu zenak, Baionako ostatu eta Cazenave txokolategitik pasa ondotik Bar du Marché-ra nola heldu zen esplikatu zion Terexari. Arantxa Idiederri aipatu dio.

MP3 jaitsi (34 Mo)

Duela urtea hasi kronikarekin segitzen dugu ikasturte honetan ere: Terexa Lekunberri antropologoak egin dituen elkarrizketak, bideoan ikusgai direnak irratira ekartzen ditugu hilabetean behin.

Lehenarekin Baionara joango gira, bainan sustut gaurko zatian Bankara. Joséphine Erramoun 1941 urtean, Espila etxean sortu zen Bankan, eta Baionara lanerako ekarri zuten. Agian zonbaitzuek ezagutzen duzue, Baionako Bar du Marché ostatu gibelean lanean ikusirik.

MP3 jaitsi (35 Mo)

Gabi Casenave entzun genuen duela hilabetea.

Eta gaur, sasoiko azken kronikarentzat Terexa Lekunberrik, Gilbert Casenave, Gabiren senarra zena entzutea proposatzen digu.

GilbertCasenave Milafrangan sortu zen 1928 urtean, zurgin formakuntzaz, 1953an Mugerreko gatzageta lantegian sartu zen. Makinen eta laneko etxebizitzen mantentze lanetan berezituak ziren 80 langile ziren.

2015 urtean zendu zen, Gilbert Casenave 4 urte lehenago elkarrizketa zituen Terexa Lekunberri antropologoak, Gabi Casenave bere emaztearekin batera.

MP3 jaitsi (33 Mo)

Bizi parte nagusi bat Lehuntzen pasa du, bainan bihotza beti bere sorterrian izan duena, Mugerren.

Gabi Casenave-ekin egin zuen elkarrizketa proposatu digu hilabeteko kronikan Terexa Lekunberri antroplogoak. Mugerren 1933n sortu zenak, biziaren bigarren parte bat Lehuntzen egin du.

Etxeko andere izateko eskola, berontziak egiteko lantegia edo gatz salinetako lana aipagai aldi honetan Arantxa Idiederrekin.