KRONIKAK
JOSEBA AURKENERENA

"Jakes Ahamendabururen olerkiak maila handikoak ziren, bazirudien izar gazte bat piztua zela gure literaturan"

2024ko Apirilaren 02a

Jakes%20Ahamendabururen%20olerkiak%20maila%20handikoak%20ziren_%20bazirudien%20izar%20gazte%20bat%20piztua%20zela%20gure%20literaturan

Zaurian Barna, Jakes Ahamendabururen olerkietariko baten hastapena hautatu du Joseba Aurkenerenak / GURE IRRATIA

MP3 jaitsi (28 Mo)

Joseba Aurkenerena kronikariak dion bezala: "Gure artean izan dira gaztaroan euskaraz sortzaile izan direnak, eta gero bizitzaren bideetan zangopilaturik, betiko idazteari utzi diotenak."

Hitz hauekin hasten du bere hilabeteko kronika Joseba Aurkenerenak, Jakes Ahamendaburu aipatzeko.

Jakes Ahamendaburu Nafarroa Behereko Eiheralarre herrian sortu zen 1961eko irailaren 7an, gazte-gaztetik euskaltzalea, inguruetako herri antzerkian ibilia eta trebatua. Ustekabean, 1988an, hogeita zazpi urte zituela, Isilka Misilka olerki liburua plazaratu zuen Maiatz argitaletxearen bitartez, eta bi urte berantago, 1990ean, Gauean ontuts izeneko bigarrena.

Bainan biziak Euskal Herritik eta gure literaturatik urrundu ziteun betiko.

KRONIKAK
JOSEBA AURKENERENA

"Elbira Agirre alaba hil dut urde zikinen lastaira bihur ez dezaten”

2024ko Otsailaren 28a

Elbira%20Agirre%20alaba%20hil%20dut%20urde%20zikinen%20lastaira%20bihur%20ez%20dezaten

Elbira Agirre Emilio Machadoren erretratuan (1979) / J.Aurkenerena

MP3 jaitsi (21 Mo)

Elbira Agirrek aita euskalduna zuen, Lope Agirre oñatiarra, eta ama inka zuen, Cruspa Huaranca izenekoa. Joseba Aurkenerena Barandiaranek bere istorioa kondatu digu hilabete honetan.

1561eko urriaren 27an, espainiar erregearen aldeko soldaduek Lope Agirreren tropa inguratu zuten Barquisimento aldean. Marañoi gehienek, hori ikusirik, ihesari ekin zioten, eta Lope Agirre eta zenbait fidel ihesbiderik gabe harrapaturik gelditu ziren. Elbira ere aitarekin batera zegoen momentu latz haietan. Orduan, Lope Agirrek alaba hiltzeko deliberoa hartu zuen, espainiar soldaduek ez zezaten bortxatu. Sastakaiaz hil zuen. Aitak hil zuelarik, Elbira Agirrek hamasei urte zituen.


KRONIKAK
JOSEBA AURKENERENA

Historia garaileek idatzi ez zutena, Martin Hiribarreni esker gure eskutan

Historia%20garaileek%20idatzi%20ez%20zutena_%20Martin%20Hiribarreni%20esker%20gure%20eskutan

Bilketa Euskal Funtsen Atariak, Martin Hiribarren-en hiztegiaren zati batzu sarean jarri ditu / BILKETA.eus

MP3 jaitsi (25 Mo)

"Historia garaileek idatzia dela hamaika aldiz entzun dudan arren, badira ene ustez galtzaileen bandoan ere ongi idazten dutenak" - Hala aurkezten du Joseba Aurkenerena kronikariak Joan Martin Hiribarren.

1810. urtean sortu zen Azkaine herrian. Bizitza osoan euskararen eta Euskal Herriaren alde lan egin zuen eta Idazle emankorra izan zen.

Hiru liburu plazaratu zituen: Euskaldunak izeneko bertso liburua. Euskal Herria du ardatz eta bost mila bertsoz osatua da. Euskaraz egia da bere bigarren liburuak Erlijioa du mintzagai. Eta azken liburua, Montevideoko berriak izenekoa du, 1853. urtean argitaratu zuen.

Bilketa.eus webgunean Martin Hiribarren-en hiztegiaren zati batzu irakurtzen ahal dituzue.


2024ko Urtarrilaren 30a

KRONIKAK
JOSEBA AURKENERENA

Hélène Elizaga margolaria, garai bateko Euskal Herria tindatu zuen artista

Helene%20Elizaga%20margolaria_%20garai%20bateko%20Euskal%20Herria%20tindatu%20zuen%20artista

"Paysanne avec poules" edo "Emazte laboraria oiloekin" deitu obrak, Hélène Elizagaren estiloa erakusten du.

MP3 jaitsi (21 Mo)

Gaur Joseba Aurkenerenak, Hélène Elizaga Euskal Herrian izan den emazte margolari handienetarikoa aipatuko digu.

1896an Bigorren sortua, burasoak Saratarrak, Donibane Lohizunen bizi izana. Laborariak, arrantzaleak, pilotariak, euskal paisaiak margotu zituen.

Panpi Mercapideri aipatu dio margolariaren bizia.


2023ko Abenduaren 19a


KRONIKAK
JOSEBA AURKENERENA

"Lorentza Gabikak garbi utzi zien epaileei bera emazte euskalduna zela, eta ez zutela tratu txarrik jasaiteko ohiturarik"

Lorentza%20Gabikak%20garbi%20utzi%20zien%20epaileei%20bera%20emazte%20euskalduna%20zela_%20eta%20ez%20zutela%20tratu%20txarrik%20jasaiteko%20ohiturarik

Lorentza Gabikaren potreta bat / ZUZEU

MP3 jaitsi (14 Mo)

Aste honetan, Joseba Aurkenerenaren kontakizuna 1917koa izanen da: Lorentza Gabikarena. Ameriketarat bizitzerat joan zen emaztea, eta han ezkondu zen gizon bortitz batekin.

Hainbat aldiz jo zuen emaztea, mehatxatu arma batekin hilen zuela. Azkenean hau oldartu zitzaion eta senarra tiroz hil zuen. Istorio hunen bururapena nolakoa izan den kondatu digu Joseba Aurkenerenak.


2023ko Urriaren 24a



KRONIKAK
JOSEBA AURKENERENA

Elhuyar anaiak, zientzialariak eta espioiak

Elhuyar%20anaiak_%20zientzialariak%20eta%20espioiak

Juan Jose eta Fausto, Elhuyar anaiak

MP3 jaitsi (18 Mo)

Gure Historiako pertsonaiek, gure artean egoitea merezi dutela uste baitu Joseba Aurkenerenak, Euskal Herriaren Historiaren parte diren pertsonaiak argitara ekartzen ditu.

Sasoi berri hau, Elhuyar anaiak aipatuz hasten zauku, Wolframa isolatzen izan ziren lehenak, zientzialariak ziren bainan baita espioiak ere.

Jatorriz lapurtarrak, aita hazpandarra eta ama Donibane Lohizunekoa zuten.


2023ko Irailaren 26a


KRONIKAK
JOSEBA AURKENERENA

Malentxu Sagarzazu hondarribiarraren omenez

Malentxu%20Sagarzazu%20hondarribiarraren%20omenez

Malentxu Sagarzazu eta Joakin Gironzas senar-emazteak / ZUZEU

MP3 jaitsi (12 Mo)

"Canna Housen ikurrina, masta erdian jarrita daukate hondarribiarraren omenez. Izan dadila testu labur hauMalentxu Sagarzazuri bihotzez eskaintzen diodan omenezko agurra"

Joseba Aurkenerena kronikariak, kultura gaelikoaren aldeko lana eraman zuen, eta Eskozian preziatua izan zena aipatu digu hilabate honetan, 2020an zendu zen Malentxu Sagarzazu hondarribiarra.


2023ko Apirilaren 26a




Gure Irratia, bidea eginez

1981 2024

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urte baietz!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ


Gurekin harremanetan sar




segurtasun kodea

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016