"Diru laguntza ainitz hunkitzen dute festibal lodi horiek, eta bilana egitean, hotel kontsumoarena aipatzen da"

2023ko Irailaren 19a

Diru%20laguntza%20ainitz%20hunkitzen%20dute%20festibal%20lodi%20horiek%5F%20eta%20bilana%20egitean%5F%20hotel%20kontsumoarena%20aipatzen%20da

Nora Arbelbide, eskutan duela Jon Urzelai Urbietaren Su Festak / GURE IRRATIA

Euskal Herriko musika festibalak aipagai Nora Arbelbideren sasoi honetako lehen kronikan.

Su Festak deitzen da Jon Urzelai Urbietak, Susa Argitaletxearekin atera berri duen liburua.

Euskal Herriko Festibala, edo kontzertuak antolatzen dituzten enpresen azterketa sakona egin du Jon Urzelai Urbietak, adibide konkretuetatik abiatuta eta zenbakiak emanez. Zer da kultura, eta nola bizi dugu gure kutura eta euskaltasuna? Arantxa Idieder egon da Nora Arbelbiderekin.

KRONIKAK
NORA ARBELBIDE | LITERATURA

"Ilbarritz jauregipeko hondartza hortan jarri eta Eneko Bidegainen Bichta éder irakurtzea gomendatzen dut"

2023ko Ekainaren 27a

Ilbarritz%20jauregipeko%20hondartza%20hortan%20jarri%20eta%20Eneko%20Bidegainen%20Bichta%20Ader%20irakurtzea%20gomendatzen%20dut

Eneko Bidegain

MP3 jaitsi (37 Mo)

Eneko Bidegainek idatzi "Bichta éder" eleberria aipatu nahi izan digu Nora Arbelbidek bere azken kronikan.

Liburuan, Nafarroako erresuma, Aljeriako gerla, etxebizitzaren problematika, lurren salmenta, okupazioaren bidezko borroka, euskararen lekua gure gizartean, kazetaritzaren mundua aipatzen ditu; badira historialariak, laborariak, familia istorioak, tabuak, hari ainitzi tiraka hari den eleberria da Eneko Bidegainen thriller politikoa.

Arantxa Idieder egon da Nora Arbelbiderekin liburuaren aipatzeko.

Erran bezala, Eneko Bidegain "Bichta éder" liburua etorriko da aurkeztera Uztailaren 18an Biarritzeko mediatekara.

KRONIKAK
NORA ARBELBIDE | LITERATURA

"Anarik bi esalditan, aipatzen du mundu mailako gerla intimo hori, azkarra da"

Anarik%20bi%20esalditan%5F%20aipatzen%20du%20mundu%20mailako%20gerla%20intimo%20hori%5F%20azkarra%20da

Anari Alberdi Santesteban-en lehen liburua da Gari eta Goroldiozko / SUSA

MP3 jaitsi (24 Mo)

Anari kantari musikari gisa bereziki ezagutzen dugu, bainan idazlea ere bada, Gari eta Goroldiozko, bere lehen liburua atera zuen joan den abenduan Susa argitaletxearekin.

Anariren kantu luze baten maneran, narrazio poetiko bat bezala dela iduritu zaio Nora Arbelbide kronikariari. Autofikzioa da, Anariren munduan sartzen gaituena. Arantxa Idieder joan da Nora Arbelbideren gana.

2023ko Maiatzaren 02a

KRONIKAK
NORA ARBELBIDE | LITERATURA

"Prostituzioa arazo bat baldin bada, ez da isilaraziz lortuko aterabide bat"

Prostituzioa%20arazo%20bat%20baldin%20bada%5F%20ez%20da%20isilaraziz%20lortuko%20aterabide%20bat

Nora Arbelbide, Elkar liburu dendan erasotua izan den Puta Zikinak liburuetariko bat eskutan / GURE IRRATIA

MP3 jaitsi (32 Mo)

Liburuaren aitzineko azala urratua, eta lehen orrialderen gainean kolaki bat itsasia; "Puta Zikinak - Sexu-langileen eskubideen aldeko borroka" liburua erasotu zuten duela zonbait aste Baionako Elkar dendan. Prostituzioaren frantziar kolektibo abolizionista baten erasoa zela agertu zen, Katakrak Iruñeako argitaetxeak euskarara itzuli zuen liburuaren kontrakoa.

Nora Arbelbide Gure Irratiko literatura kronikariak aipatu nahi izan duena Arantxa Idiederrekin.

2023ko Apirilaren 04a

KRONIKAK
NORA ARBELBIDE | LITERATURA

"Euskal Herriak ez dezan galdu bere Iparra"

Euskal%20Herriak%20ez%20dezan%20galdu%20bere%20Iparra

Irakurterreza den liburua da Iparreko Eleak, idazle desberdinak deskubritzeko parada / GURE IRRATIA

MP3 jaitsi (30 Mo)

Nora Arbelbidek bere hilabeteko kronikan, testu laginak biltzen dituen liburu bat aipatu digu.

Xabier Monasterio bilboarrak, Iparreko Eleak liburuan, Ipar Euskal Herriko 28 idazleren testu laginak bildu ditu, eta laburzki komentatu. Axular, Etxepare edota Hiriart Urruti hor dira, bainan ezagutzen dituzueMari Luisa Erdozio, Mariana Etxegarai, eta Mariana Argain?

Arantxa Idieder joan da Nora Arbelbideren gana.

2023ko Otsailaren 06a

KRONIKAK
NORA ARBELBIDE | LITERATURA

"Sartzen gira zinez bere azalean, eta zauria senditzen dugu, presondegian delarik ere sartzen gaitu berekin"

Sartzen%20gira%20zinez%20bere%20azalean%5F%20eta%20zauria%20senditzen%20dugu%5F%20presondegian%20delarik%20ere%20sartzen%20gaitu%20berekin

Assata Shakur - Autobiografia bat liburua euskaraz argitaratu du Katakrakek / GURE IRRATIA

MP3 jaitsi (31 Mo)

Assata Shakur - Autobiografia bat deitzen den liburua aipatzen digu hilabete honetan Nora Arbelbide kronikariak.

Black Panthers-ko kideak idatzi duen autobiografia, Danele Sarriugarteren itzulpenarekin euskaraz argitaratu du Katakrak-ek.

Assata Shakur, 1947an sortu zen New Yorken, Askapen Armada Beltzeko kide zen, eta txilotua, tiroz zauritua sartu zen presondegian eta zonbait urte berantago eskapatu zen eta Kuba asilo politikoa lortu zuen. Geroztik FBIko pertsona bilatuen zerrendan da.

Arantxa Idieder egon da Nora Arbelbiderekin liburua aipatzeko.

2023ko Urtarrilaren 10a

KRONIKAK
NORA ARBELBIDE | LITERATURA

"Trikimailuen bitartez, emazte pentsalari batzu argitara ekartzen dituzte hiru liburuek"

Trikimailuen%20bitartez%5F%20emazte%20pentsalari%20batzu%20argitara%20ekartzen%20dituzte%20hiru%20liburuek

Nora Arbelbide, Iruleak liburua eskuen artean / GURE IRRATIA

MP3 jaitsi (23 Mo)

Nora Arbelbide kronikariak, hiru liburuk baliatzen dituzten trikimailuak iraganeko emazte pentsalariak beren narrazioetan integratzeko azpimarratu nahi izan ditu:

Izurdeen aurreko bizitza – Kirmen Uribe
Berriz Zentauro – Katixa Agirre
Iruleak – Garazi Albizua eta Olga Camona Peral

Hauek dira aipatzen dituzten izenak: Margaret Fuller, Nafarroako Margarita, Ines Joyes y Blake, Mary Wollstonecraft eta Rosika Schwimmer.

2022ko Abenduaren 07a

KRONIKAK
NORA ARBELBIDE | LITERATURA

"Nik ez nuke eskatuko ogi bat, ogi baten erdia eta liburu bat baizik"

Nik%20ez%20nuke%20eskatuko%20ogi%20bat%5F%20ogi%20baten%20erdia%20eta%20liburu%20bat%20baizik

Federico Garcia Lorcaren Ogi baten erdia eta liburu bat, 4 hizkuntzatzan irakur daiteke / GURE IRRATIA

MP3 jaitsi (23 Mo)

Federico Garcia Lorca idazle eta poeta andaluziarra aipatu nahi izan digu hilabete honetan Nora Arbelbide kronikariak.

Duela bi urte atera liburu bat aipatu digu, liburutegi baten estrenarako idatzi zuen diskurtsoa biltzen duena: "Ogi baten erdia eta liburu bat". Eta gainera badu anekdota bat ere kondatzeko: Garaziko lizeoa, Federico Garcia Lorca, Jose Maria Aznar eta argazki bat elkartzen dituenak…

2022ko Azaroaren 08a

KRONIKAK
NORA ARBELBIDE | LITERATURA

"Gauaz Maddi nauzu, egunaz oreina"

Gauaz%20Maddi%20nauzu%5F%20egunaz%20oreina

Ura Isuririk olerkiak, Maddi "oreina" etxeko xakurrek xerkatzen dutela dio / WIKIPEDIA

MP3 jaitsi (32 Mo)

Ura Isuririk olerkia, Piarres Lafittek argitaratu zuen 1965 urtean. Testu hau abiapundutzat hartu du Nora Arbelbidek hilabeteko bere kronikarentzat, oreinaren irudiaz gain, Greziako mitologian ezagutua den Filomelaren bortxaketaren istoria lotu du ere. Kronika Zoo taldearen bertsioarekin bukatu du.

Arantxa idieder joan da bere gana.

2022ko Urriaren 11a

KRONIKAK
NORA ARBELBIDE | LITERATURA

"Gure seme-alabak ez dira gureak, bizitzaren seme-alabak baizik"

Gure%20seme-alabak%20ez%20dira%20gureak%5F%20bizitzaren%20seme-alabak%20baizik

Nora Arbelbide kronikaria, Khalil Gibranen liburua eskutan / GURE IRRATIA

MP3 jaitsi (36 Mo)

Aurten ere gurekin izango da Nora Arbelbide, Biarritzeko mediatekako langilea.

Kronikariak, 1883an Libanon sortu zen Khalil Gibran idazle eta olerkaria aipatu digu. Joseba Aurkenerenaren azken liburuan euskarazko olerki bat irakurtzerakoan deskubritu du idazlea.

Benito Lertxundik, bere olerki bat euskaraz kantatu zuen ere "Gaua eta Ni".

2022ko Irailaren 12a

Gure Irratia, bidea eginez

1981 2023

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ

Gurekin harremanetan sar

Gureirratiaren txioak

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016