MP3 jaitsi

Etxe antolaketa edo Home Organisation, izanen da gaurko aipagaia. Maider Couillet-ek Itsasun sortu du Arina deitu enpresa. Edozoin adinetako pertsoneri zuzentzen da etxe antolaketa, bainan adinekoekin ere nahi du lan egin Maiderrek. Bereziki adin batetik goiti, ahal fisikoak gutitzen baitira eta motibazioa ere. Gure bizi tokia berrantolatu eta arintzeko gako batzu emanen dizkigu saio honetan. Etxea arinduz burua ere arintzen da!

MP3 jaitsi

"Urri Arrosa" prestatzen ari da Senperen ere. GEUZeko arduraduna den Martine Arhancet auzapezordeak, aipatuko digu herriko adinekoekin sortzen ari diren joste lan erraldoia.

Baxe Nafarroan ere xaharrak mugitzen dira, Atxikik proposatu tailerrak baitira, memorioa lantzeko jokoen bidez, baita motrizitatea. Aline Etxeberri, psikomotrizilariak, tailer hauek koordinatzen ditu.

MP3 jaitsi

Heriotzaren gaia aipatuko dugu saio honetan. Amaia Bidart-ek medikuntzako tesia egin zuen gai honi buruz. Galdezkatu zituen xaharrak, heien azken egoitzari buruz, eta gehienek etxen nahi zituzten pasatu azken egunak. Sofrikarioa delarik arrangura haundiena.

Iñaki Hastoy, Baionako Roc Ecler hil etxearen kudeatzaile da, aipatuko dauku heriotzaren beste alde bat, bereziki nolako garapena ukan duten ehorzketek.

MP3 jaitsi

Marie Christine Borda erizain liberal hasi zen Ezpeletan, eta bere bizi osoan hortan aritu da. Pazienteen entzutea lanaren parte haundia da, gehienak etxeetan diren adinekoak dira. Batzuk bisita guti dute, eta harreman soziala partez erizainek segurtatzen dute.

Donibane Garaziko KOMedia elkarteko Stéphanie Mariaccia animatzaileak, aipatuko dizkigu xaharrekin egiten dituzten memoriaren inguruko topaketak. Hitz egiteko momentoak sortzen dituzte, eta ahal dutelarik belaunaldien artean trukaketak sortzen dituzte. Mahain joko eta arratsaldeko azkari denboran adibidez.

MP3 jaitsi

Geneviève Berger adineko eta ahalmen urritasunak dituzten jendeetaz arduratzen den kontseilaria da Departamenduan. Teleasistentzia tresna bat aipatuko digu, elbarritasun bat edo adineko jendeeri zuzendu igorgailua edo lepoko bat da edo eskumuturrekoa. Botoi bat zapatuz sokorriak deitzen dira sinpleki.

Beñat, 75 urteko magnetizatzailea da, astero jendeak errezebitzen ditu artak eskaintzeko. Bere dohaina aipatu digu. Aldiz ezin dugu bere egiazko izen edo kontaktua eman, lanpetua baita, eta bere adinean pausa egunak behar dituela erran digu.

MP3 jaitsi

Gaurko saioan, gai nagusia dugu bizikleta. Baztan-eko Bidelagun elkarteak, elektrikoki ibiltzen den triziklo bat erosi du, adinekoak ibilarazteko. IxidroHerguedas elkarteko koordinatzaileak proiektua aipatuko digu.

Baionako Txirrind’Ola elkarteak 60 urtetik goiti duteneri formakuntzak proposatzen ditu, bizikletaz ibiltzeko. Eztiki berriz hasteko bizikleta erabiltzen, eta hobeki pasatzeko hiriko ateraldiak edo lasai ibiltzeko. Pantxoa Uturbide elkarteko laguntzaileak xehetasunak emanen dizkigu.

82 urtetan, Gexan Alfaro erregularki bere kurtsako bizikletaren gainean da eta bere formaren erremedioa dela erranen digu. Uztailaren 21ean joan den udan, bere urte betetze egunean, Angelutik joan zen Aldude arte. Aurten berriz egin gei du!

MP3 jaitsi

Virtual Therpia sozietateak errealitate birtuala eta hipnoterapia elkartzen ditu kasko baten bidez. 360° moduan filmatu irudiek, pertsona xaharrek dituzten nahasmenduak tratatzen laguntzen dute. Virtual Therapiak ongi izatea hobetzeko laguntza ekartzen du, estresa edo antsia ttipitzen ditu, loa hobetzen, energia eta motibazioa azkartzen. Beldur kontziente edo ez kontzienteak lasaitzen ditu. Pierre Lapeyrade Virtual Therapia enpresaren zuzendariak proiektua aurkezten dauku.

MP3 jaitsi

Kanboko Baliabide zentrora joaitea proposatzen dauzuegu aldi honetan. Arditeya-Viel Assantzak, auzo herrietako adineko pertsoner animazioak proposatzen ditu, etxean bizi direner zuzenduak. Maritxu Goieneche, ergotherapeutak estruktura eta bere eguneroko lana aurkeztuko dauzkigu.

Lilian Hirigoien irakasle ohia, erregularki heldu da Baliabide zentroak proposatzen dituen tailerretara. Sozializatze hunen onurak aipatzen dizkigu eta astero praktikatzen duen Feldeinkrais praktikaz mintzatu zauku.