KRONIKAK
ARANTXA LANNES | ARTEA
Badu orain 43 urte lehen aldiz eman zutela May B dantza ikusgarria, eta segitzen dute ematen.
Arantxa Lannes kronikariak ikusi ahal izan du pasa den hilabetean Angelun, aspaldian ikusi nahi zuen obra. Dantza eta antzerkia uztartzen dituen ikusgarria da, Maguy Marin koreografoarena.
Arantxa Idiederri aipatu dio.
Kronikan aipatzen ditu bideo batzu, interesa baldin baduzu hau edo hori ere so egiten ahal duzue.
2024ko Maiatzaren 07a
KRONIKAK
ARANTXA LANNES | ARTEA
Jatorriz serbiarra den Josef Nadj artista aipatzen digu hilabete honetan Arantxa Lannes kronikariak.
1957an sortu artista marrazkian hasi zen, eta Parisera joan zelarik bizitzera mimoa edota dantzan murgiltzen hasi zen. Josef Nadjek unibertso berezi bat sortzen du bere ikusgarrietan, absurdoa, poesiarekin eta iluntasunarekin ere.
Jestual biziki zorrotz eta zehatza duen dantzaria aipatzearekin batera, dantza garaikidearen gaian ere sartu dira Arantxa Idiederrekin. Aipatzen dituen hiru ikusgarriak: Paso Doble, Les Corbeaux eta Mnémosyne.
2024ko Apirilaren 05a
KRONIKAK
ARANTXA LANNES | ARTEA
1952an Libanon sortu zen artista bat aipatu digu hilabete honetan Arantxa Lannes kronikariak.
Palestindar burasoak ditu artista emazte hunek, eta gerla hasi zelarik Libanotik erbesteratu zen inglaterrara. Bere arte estiloan bere jatorriak agertzen dira, arte engaiatu bat proposatzen du, helburua duelarik ikusleak inarrostea.
Zinismo puntu batekin lan poetikoak egiten ditu, eta engaiatuak bi ardatz nagusirekin: emazteak ta gerlak edo lurraldeen zatiketak.
Kronika bukaeran Remie Akl Libango artista feminista ere entzunarazi digu Arantxa Lannes-k Baklava kantu edo zatiarekin.
2024ko Martxoaren 08a
KRONIKAK
ARANTXA LANNES | ARTEA
Musikari, etnologo, kantari eta aktibista: Giovanna Marini italiarria aipatzen digu hilabate honetan Arantxa Lannes kronikariak.
Kantu herrikoiak biltzeko Italiaren itzulia egin du, ezagun egin behar baitziren bere iduriko; bizi osoko lana izan da bilketa eta sailkatze hori. Emazte laukote bat sortu du ere Giovanna Marinik, kantuak taula gainean hedatzeko.
Horiek denak aipatu eta entzunarazi dizkio Arantxa Idiederri, Arantxa Lannes-k.
2024ko Otsailaren 09a
KRONIKAK
ARANTXA LANNES | ARTEA
Oskar Kokoschka margolari eta poeta austriarra aipatu digu hilabete honetan Arantxa Lannes kronikariak.
1980 urtean zendu zen artista, margolaria poeta eta antzerki idazlea zen, eta Arantxa Lannes-k bere tinduak ikusi ahal izan ditu Bilboko Guggenheimen, joan den urtean.
Kolore ainitz, bainan tentsio eta angustia erakusle direnak; Kokoschkaren helburua barne bizia erakustea baitzen, eta edertasuna baino egia erakustea.
2024ko Urtarrilaren 12a
KRONIKAK
ARANTXA LANNES | ARTEA
Duela 8 urte Pauen ikusi zuen Hiatus konpainiaren ikusgarri bat Arantxa Lannes-k.
Eta berriki gogora etorri zaio berriz konpainiako koreografoa den Daniel Linehan, Monet-ren obren aitzinean egin duen dantza erakustaldi bat agertu zaiolarik sarean.
Daniel Linehan-en ikuspegia, lan egiteko manera, gorputzaren soinuen erabiltzeaz eta beste aritu dira, Arantxa Idiederrekin.
2023ko Abenduaren 04a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016