BERRIKETARIAK | DONIBANE LOHIZUNE
Ostiralero 8:45ean Jamattitt Dirassar laguntzailearen berriak.
2020eko Urtarrilaren 17a
BERRIAK
Bidarteko Uhabia ikastolak, bere 10 urteak ekimen desberdinei esker ospatuko ditu aurten. 2009an ideki zituen ikastolak bere ateak, eta 2020ko sartzean 5 garreneko klasea idekiko dute.
Urtarrilaren 19an, Zarena Zarelako taldearen Hariz Hari dantza ikusgarriaz gain, Kriolinak eta Zeze taldeen kontzertuak izango dira. Ikastolako buraso den Sandra Yarzabalekin mintzatu da Arantxa Idieder.
2020eko Urtarrilaren 16a
BERRIAK
Gune historiko bat, Baionako Santizpiritu auzoan, Atalante izenarekin ezagutu duguna, gaur egun hutsa da. Zinemak Lesseps kaian elkartu direnetik, zinegela, ostatua, eta apartamenduz osatua den egoitza beste proiektu baten beha da, bere barnea bizarazteko.
Proiektuen artean da Etxea elkarteak proposatua. Ez da oraindik ofizialki hautatua bainan, herriko etxeak eskatu die lantzea haien egin nahia. Elkartearekin harremanetan jartzeko: etxea.lm@gmail.com
Arantxa idieder mintzatu da elkarteko kide den Antton Lannes-kin
2020eko Urtarrilaren 16a
EMANKIZUNAK | ADI
Moxal, Herrima, Leihotikan, Kohatu, Lola Marsh, Circa Waves, High Tone, Of Montreal, Squarepusher, Turnstile & Mall Grabe, Mammock, Grave With A View
2020eko Urtarrilaren 15a
BERRIKETARIAK | MAKEA
Astezkenero 8:45ean, Beñat Bidegain laguntzailearen berriak.
2020eko Urtarrilaren 15a
BERRIAK
Eskuz Esku Makea Lekorne aldean etorkinak laguntzen dituen elkarteak, ekimen desberdinak antolatzen ditu dirua biltzeko, eta urtarrilaren 18an gaualdi berezi bat antolatzen du.
Aldi honetan gomita berezi bat izango da, Helene Demé Elzévir komikoa. Ikusgarri umoretsu bat eskainiko du, gai nagusi gisa hartuz, mutxurdinak, edo bikotean bizi ez diren emazteak. Gizarteak nola tratazen dituen manera absurdoan landuz.
Urtarrilaren 18an, 19tan talo ta ostatua, 20.30tan Pile Poil, eta 22etan Zeze. Bere disko berria lehen aldiz aurkeztuko du. Arantxa idieder mintzatu da elkarteko Arantxa Uhalde, eta Helene Demé Elzevirrekin.
2020eko Urtarrilaren 15a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016