KRONIKAK
ARANTXA LANNES | ARTEA
Ipar Euskal Herriko lehen Queer kabareta sortu dute 2023 urtarrilean, Atharratzeko Bekaturos egunarentzat: Altxalili Show.
Kantua, dantza, margolaritza edota performantzia uztartzen dituen ikusgarrian, zerbait gehiago bada, adierazpenen gune aske bat sortu dute.
Barnekaldeko 9 artistek muntatu dute proiektua, eta nor diren aurkeztu dio Arantxa Lannes kronikariak, Arantxa Idiederri, Hendaiako Borderline Fabrikan grabatu kabareteko soinu batzu ekarriz.
2023ko Azaroaren 13a
BERRIAK
Makeako Joko Berri lehiaketak baditu bere finalistak.
Joan den larunbateko finalerdietan trenkatu ziren aferak, eta azkenean, Bideondo eta Etxegoin ariko dira Bielle eta Luro-ren aurka. Finala larunbat honetan 18.00etan hasiko da eta Bixente Bideondorekin mintzatu da Olatz Idoate.
Finala larunbat honetan 18.00etan, Bideondo-Etxegoin /Bielle eta Luro.
2023ko Azaroaren 10a
BERRIAK
2019an hasi da ile apaintzale lanetan Naia Indaburu, bainan ttipidanik duen pasioa da.
Sare sozialetan ikusi dituzue berdin, bere mozketak. Duela zonbait hilabete, instalatu da bere kondu, aldiz momentuz bere Baionako apartamenduan du saloia.
Usaiako ile apaintzaile lanetaz gain, berezitasun bat badu Naia Indaburuk: mozketa energetikoa ere egiten baitu. Bere iduriko, ileak, gure osagarriaz informatzen gaitu, eta bere helburua da, harmonia bat eta oreka bat sortzea, barneko izatea eta kanpora erakusten dugun irudiaren artean. Arantxa Idieder joan da bere ezagutzera.
Naia Indabururekin harremanetan jartzeko Instagramen Hariak izenarekin atzemanen duzue, edo hortxe bere zenbakia: 06 33 23 30 53.
2023ko Azaroaren 10a
KRONIKAK
OTXANDA LARZABAL | ZINEMA
Otxanda Larzabal Idiartek japoniar film bat eta ingles bat ikusi ditu.
+ film gomendio batzu ikusi ez dituenak eta Arte.tv-n ikusgai den serie This is England seriea.
2023ko Azaroaren 10a
EMANKIZUNAK | ASTEAZKENEKO GOMITA
Mirentxu Elissalde Parachu izan da gure asteazkeneko gomita. Itsasuar laborari ekoizlea, Antxondoko Bordan saltzaile, Herriko Etxean inplikatua da ere laborantza sailan.
Lurraman ere engaiatua, emazte laborariak omenduak diren urte honetan, Panpi Mercapideren mikroan erraiten zigun beren etxean emazteek dutela beti etxaldea kudeatu.
2023ko Azaroaren 08a
EMANKIZUNAK | ASPALDIKO GAZTEAK
Lehen saio huntan, Pirinio Atlantiko departamenduak lagundu emankizun berriaren aurkezpena, Leonie Agergarai emankizun egile, laguntzailearekin.
Jokin Apezetxea Azkarate, Bortzirietan, Nafarroan sortu Jubiloteka proiektuaren koordinatzaileak, xaharrendako sortu ludoteka ibiltari proiektua aurkeztuko digu.
Etcharry formakuntza zentroak GinkGo topaketen kari, harreman sozialaren fabrikak helburu nagusi bat badu: pertsona adindunen isolamenduaren prebentzioa. GinkGo-k garatu nahi ditu formakuntzak eta kultur, kirol eta experientzia artistikoen gida bat sortu. Eta euskarri numeriko eta ikus-entzunekoak sortu xaharrer botza emaiteko.
"Vaso-constricteur"delako sudurreko arterioen tinkatzaileak, ANSM-ak aholkatzen du baztertzea. Bihotzeko edo miokardioko infartuak probokatzen ahal dituzte. Hauen baliatzearen probetxu / arrisku balantza azaltzen digu Xan Berteretxe mediakuak.
2023ko Azaroaren 07a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016