Lurraman, lehen tokian ematen dituzte lekuko mozkinak, landare edo fruituak, eta horien artean gaztaina ez da ahantzia izan.
Paderan erre gaztainak jastatzen ahal ziren, eta ondoan, egokitua izan den lehengo xuriketa tresna baten danborean gaztaina xuritzen, soplete bat eskuan, Panpi Mercapidek harrapatu du Gilles Texier, Kirikiñauzi kolektiboko kidea da.
2021eko Urriaren 27a
Euskal kultur sorkuntzaren transmisioaz jardunaldia iraganen da larunbat honetan Senperen. Transmisio hortan hutsune edo ahultasun bat sentitzen dela ondorioztatu zuten 2019ko jardunaldietan eta orain, nola egituratu eta sendotu izanen da erronka berria.
Jardunaldi horietaz mintzatu da Ihintza Arrieta, Gotzon Barandiaran idazle eta kulturgilearekin. 2019ko jardunaldietan ondorioztatu zutela transmisioan hutsune bat bazela, esplikatu dio.
2021eko Urriaren 22a
Baigorriko Herriarena lehiaketako finala jokatuko da, igandean, goizeko 11etan.
Hiru lapurtar kantxaratuko dira.
Milafrangako Mikael Darmendrail eta Battitta Ducassou Itsasuarra ariko dira alde batetik.Peio Larralde Hazpandarra eta Ximun Lambert Izpurarra bestetik.
Gibeleko bi pilotariekin mintzatu da Kriztof Arotzarena.
2021eko Urriaren 22a
Asteartero, Baionako Pannecau karrikan, beharra duenak janaria eta oinarrizko produktuak atxemanen ditu.
Joan den urtean lehen konfinamenduen garaian sortu zen Baionan, Herri Elkartasun Brigada. Autoantolaketan oinarritua, janaria, higiene produktuak, txakurren janaria, edota garraio txartelak banatzen dituzte, asteart gauero 6ak eta 8ak artean, Epaiskaren lokalean.
Herritarrak herritarrentzat izpiritua oinarri duen, taldeko kide den Joana Detxartekin elkartu da Arantxa Idieder Baionan.
2021eko Urriaren 18a
25000 inguru urteko aztarnak atxeman dituzte Urdazubiko Alkerdi 2 harpean.
Joan den urriaren 2an aurkeztu zituzten aurkikuntza horiek Principe de Viana instituzioak eta Urdazubiko herriko etxeak. Lehen konklusioen berri eman zituzten ikerleek: bisonte eta zaldiak ikusten dira, baita, gauza arraroa ere, emazte bulbak.
Kantabriako Unibertsitatean doktore den Diego Garatek azalpenak eman dizkio Antton Castoreo lankideari.
2021eko Urriaren 18a
Sarako idazleen biltzarraren 38. Edizioan hamar bat berrikuntza aurkeztu dituzte; tartean Colette Larrabururen À¢Â€ÂœQuand nous chantions sous FrancoÀ¢Â€Â.
Liburua frantsesez da baina euskarazko bertsio bat ere ukanen du. Hortan parte hartzen duen Pantxoa Carrerekin hitz egin du Oihana Daguerrek.
2021eko Urriaren 15a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016