MP3 jaitsi (20 Mo)

Amestoki Goxoa albuma aurkeztu dauku hilabete honetan, IKAS pedagogia zerbitzuko Unai Zubeldiak.

Ikusi Mikusin Saran iraganen den festibalean aurkeztuko duten liburu berria, Antton Kazabonek idatzia, Leire Iparragirrek ilustratu du.

Laino haurra eta bere amestoki goxoa den gereziondoaren arteko harreman bereziaren istorioa da, bainan egun batez bere arbola ez da loratzen, eta ez da berriz loratuko.

Heriotza, haurrekin molde metaforikoan aipatzeko liburua da.

MP3 jaitsi (29 Mo)

Biharraren Hegiak, poema liburua atera du Maddi Sarasua Laskaraik; Nora Arbelbidek sasoiko lehen kronikarentzat hautatu duen liburua da.

Gaurko problematikak, zabortegia, immigrazioa, kapitalismoa,lanaren kezkak, dudak, olerki batzu intimoagoak, gai desberdinak paperean jarri ditu bertsolari gisa ezagutzen dugun itsasuarrak.

Irailaren 29an Larzabaleko Ezpeletenian izango da olerkaria.

MP3 jaitsi (32 Mo)

Senperen sortua eta Ahetzen handitua, Anita Esponden lekukotasuna ekartzen digu Terexa Lekunberrik, sasoiko lehen kronika honetan.

Eleketa proiektuarentzat egin elkarrizketak hilabetero ekartzen dizkigu Gure Irratira antropologoak.

Aldi honetan Txomin Ezponda bertsolariaren emaztea ezagutuko dugu beraz. Haurtzaroa, nerabezaroko hilabetekoen heltzea eta tabua, lehen senarrarekin bereiztea eta horren ondorioa, herria ta elizaren ikuspegi negatiboarekin besteak beste aipagai.

MP3 jaitsi (31 Mo)

Patxi Ezkiagaren literaturarekin zer egin izan da, Nora Arbelbide Gure Irratiko kronikariak bere buruari egin dion galdera bere lantokian duen ardura ikusita.

Biarritzeko mediatekan lan egiten du kronikariak, eta Marisol Zamorak El Pais-en elkarrizketa batean salatu du, idazle zenaren gandik, haur zenean sexu abusuak jasan zituela.

Geroztik beste salaketa batzu gehitu dira. Patxi Ezkiagaren liburuak mediatekako apaletatik kentzea erabaki du Arbelbidek, ber bidetik beste idazle batzuei lekua uzteko.

Eztabaida, plaza publikora ekarri nahi izan du kronikariak, Arantxa Idiederrekin mintzatu dira

MP3 jaitsi (31 Mo)

Otxanda Larzabal Idiarten sasoiko azken kronikan zinema aipagai bistan dena, bainan antzerkia ere gehitu nahi izan du gaurkoan. Laborantzaren gaia hari gisa agertu baitzaio Artzain Soil dokumentala eta Lurrez Estali antzerkiaren artean.

Bestalde bi film etxetik ikusten ahal dituzuenak ere aipatu dizkigu.

MP3 jaitsi (28 Mo)

Udan irakurtzeko tarte gehiago hartzeko momentua izaiten baita, Elise Dilet-ek liburu gomendioak egiten dizkigu hilabete honetan.

Ikas pedagogia zentroko mediatekara hurbildu da beraz Arantxa Idieder; Nobela beltzak, iraganean edo etorkizunean bidaiatzeko, historian murgiltzeko, zientzia fikzioa edo fantasiazko eleberri bat, denentzako proposamenak:

• Isiltasunaren itsasargia / Martin Alvarez, Ibon
• llunpeko zelataria / Ladron Arana, Alberto
• Uholdearen zain / Redondo, Dolores
• Suak erreko ez balu / Barberena, Eneko
• Ispiluak eta itsasoak / Maria Garrastazuren lehen bidaia. Agirre Odriozola, Joxean
• Distira eta alderantzia / Maria Garrastazuren bigarren bidaia. Agirre Odriozola, Joxean
• Itzulerak / Meabe, Miren Agur
• Haize leizean / Dilet, Elise; Hariñordoki, Antton
• Judu-kale: Familia judu kristautu bat XV. mendean / Martinez de Lezea, Toti
• Berriz zentauro / Agirre, Katixa
• Ostadar 7310 / Ibarra, Iñigo
• Itzalak bizi diren lurraldea / Ladron Arana, Alberto

MP3 jaitsi (31 Mo)

18.mendeko pertsonai historikoa den Juana Asurdui aipatu digu bere azken kronikarentzat Joseba Aurkenerenak.

Euskal amerikarra, Bolivian sortu zen garaian borrakalari izan zena eta bertan heroi nazional gisa ezagutua dena. Abizenaren jatorria Baxe nafartarra duen Juana Asurdui hobeki ezagutzea proposatzen digu Joseba Aurkenerenak, tarteka krudeltasunagatik ere ezagun egin zena.

MP3 jaitsi (34 Mo)

Lau artista edo talde proposamen ditu hilabeteko eta sasoiko azken kronikarentzat Joanes Garcia Basurko kronikariak. Kasualitatez gazteleraz ari dira denak, bainan estilo desberdinetakoak:

• Valeria Castro
• Maestro Espada
• Bewis de la Rosa
• La Txama