Terexa Lekumberri antropologoak hilabete honetan, Urketa herrira eraman gaitu, bertan elkarrizketatu zuen Mixel Irigaraien ezagutzera.
Famili erroak Baxe Nafarroan, Bordele inguruan sortua, 10 urte zituelarik burasoekin Urketan instalatu ziren. Laborantza etxekoa, Aturri ibaiaren bizian murgildu dena.
Arantxa Idiederren galderei erantzun dio Terexa Lekumberrik.
2023ko Apirilaren 18a
1921eko martxoaren 8an sortu zen Yvonne Bellecave entzutea proposatu digu hilabete honetan Terexa Lekumberri antropologoak.
Eleketa proiektuaren baitan duela hamar bat urte elkarrizketatu zuen, ikasketa luzeak egin ondoan emagina izan zen makearra. 1944an ukan zure bere diploma, etxez-etxe haur sortzeak laguntzen aritu ondoan, 34 urtez Baionan klinika pribatuetan aritu zen. Arantxa Idieder egon da Terexa Lekumberrirekin.
2023ko Martxoaren 21a
Terexa Lekumberri antropologoak, aldi honetan, bi anai-arrebekin egin duen elkarrizketa ekarri digu irratira.
Duela 10 urte elkartu zen, 1941 eta 1937an sortu ziren Lekorneko Graxi Maya eta Laurent Urrutyrekin, beren aita eta aitatxi, Battitta eta Ferdinand Urruty herriko dantzari famatu gisa ezagutuak zirelako.
Mutxikoak, dantzaren transmisioa etxean eta beste aipatzen dituzte. Arantxa Idiederrek aipatu du Terexa Lekumberrirekin.
2023ko Otsailaren 21a
Azkaingo Luixa Lastra sortzez Leizagoien 1932an Saran sortu zen.
Eta preseski Sara eta sustut Angoinia bere sortetxearen inguruko bizipenak dizkio aipatu Terexa Lekumberri antropologoari Eleketa proiektuaren baitan.
Comète Sarea, bigarren gerla garaian Angoinia etxetik pasatzen zen, eta sare hortaz bilaketak egitean, heldu zen Luixa Lastra ezagutzera. Kontrabanda, bigarren gerla eta alemanak herrian, aipatu dituzte Arantxa Idiederrekin.
2023ko Urtarrilaren 25a
Hilabetero, Gure Irratian kronika egiten du Terexa Lekumberri antropologoak, urtetan egin dituen elkarrizketak entzuleekin partekatzeko.
2022ko Abenduaren 21a
Terexa Lekumberri antropologoarekin hilabatero Eleketa programarentzat bildu lekukotasunak proposatzen dizkizuegu.
Bere amatxiren berezitasunak ditugu bereziki azpimarratu kronika honetan Terexa Lekumberrirekin; xuriketaegile zen, emagina eta sendagilea, medikua baino leku gehiago zuen pertsona.
2022ko Azaroaren 22a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016