BERRIAK
Jatetxeak hetsiak izanki, alternatibak proposatzen dituzte egoitza desberdinek. Azkaingo XOKO ONAk adibidez, asteburu guziz plata desberdinak proposatuko dituzte, aitzinetik manatuz, etxean jateko gisan. Erreserbatzeko telefonoa 06.35.10.91.74, eta haien facebook orrialdean atxemango duzue aste guziz aldatzen duten menua.
Arantxa Idieder mintzatu da Mailys Gracyrekin.
2020eko Azaroaren 06a
BERRIAK
Eguberriko egutegiak Alemanian sortu ziren 19.mendean, eta 1920ean deia salgai baziren. Eguberri igurikatzeko, aitzineko egunetan gaur egun argazki jainkotiarren ordez goxokiak emaiten dira.
Sarako ikastolak aurten ere berriz salduko ditu eguberriko egutegiak, buraso den Claire Grillard-ek erran daukun bezala.
2020eko Azaroaren 06a
KRONIKAK
KULTURA
BBAX taldeak, Arnaud Oihenartek 1657 urtean atera kantu bat berriz hartu du berriki, Bilketak hunen testua argitaratu du. Horrezgain prediku bat eta bi kantu xiberotarrez sarean eman ditu Bilketa.eus webguneak.
Aines Haristoyekin aipatu ditu Arantxa Idiederrek.
2020eko Azaroaren 06a
BERRIKETARIAK | DONIBANE LOHIZUNE
Ostiralero 8:45ean Jamattitt Dirassar laguntzailearen berriak.
2020eko Azaroaren 06a
KRONIKAK
KULTURA
Baionako Didam erakusketa gelan, azaroaren 15a arte Graphic Waves erakusketa antolatua zuten. Geroztik konfinamendua indarrean jarri du frantses gobernuak, eta erakusketa gelak ere bere ateak hetsi behar izan ditu.
Spacejunk galeriarekin elkarlanean antolatua, karrikako artea eta digitalaren arteko topaketa proposatzen dute. Bideoren erabilpenaz gain, bisitariak ere obra suntsikorran parte hartzen ahal du.
Maika Lapoublek, bisita gidatu birtual bat proposatu digu Arantxa Idiederrekin, berez bertan euskaraz proposatzen zuen bisita egitekoa zuelarik.
2020eko Azaroaren 05a
BERRIAK
Jazz, Hip Hop edo Salsa, hauek dira DANTZANI elkarteak proposatzen dituen dantza kurtso ezberdinak Urruñan baita Ziburun. Konfinamendua plantan eman den geroztik, visio moduan banatzen dituzte kurtsoak. Adin tarte guzieri idekiak, kurtsoetaz gain, dantza konkurtsoetan parte hartzeko parada ere emaiten dauzue. Hori guzia aurkezten digu Ani Arostegi dantza erakasleak.
2020eko Azaroaren 05a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016