Epaiska Baionako ostatu elkarteak bere lekua atxiktzen du, aldatzen ari den hirian.
Pannecau karrika sartzean kokatua den gunean kontzertu eta eztabaidak antolatzen dituzte, eta ostiral arratsalde eta larunbat goizetan irekia da.
Larunbat honetan aldiz, bertso bazkaria izango da, Maddalen Arzallus eta Andoni Egañarekin. Izena emateko bazkarirako: 07 45 05 36 90.
Beste hitzordu batzu ere ondoko hilabeteetan, eta bereziki kontzertuak: maiatzaren 30ean Txit Karramarro, ekainaren 21ean Ikusiko, Borla ta Tatxers eta uztailaren 4an Gauak eta Ü.
2025eko Apirilaren 16a
Urtean zehar nerabeei zuzendu antzerki tailerra proposatzen du David Ondars-ek Baionako kontserbatorioan.
Beste publiko baten gana jo nahi du, aste honetan eta ondokoan urririk izango diren bi tailerrekin. Helduentzat ostiral arrats honetan apirilaren 11n 19.30 - 21.30 artean izango da, eta haurrentzat apirilaren 19an 10:00 - 12:00 artean.
Euskarazko proposamen guti dira antzerki tailerren arloan.
2025eko Apirilaren 08a
Luhusoko berri hartzera joan da Arantxa Idieder, Ximun Larralde axuantarekin elkartuz.
Berrikuntzen artean, murgiltze sistema ama eskolan jarriko dutela. Lehen urtekoak euskaraz ariko dira beraz ondoko sartzean. Hamaika etxebizitza eta mediku zentro bat uda honetako Makeako bidean ere aipatu dizkigu kontseilariak.
Harri Xuriren parean aldiz, eraikitzen ari diren Amalurra gunea ere berrikuntzen artean da Luhuson: epizeria, ostatua eta sala bat izango dituen eraikin jasangarria izan nahi duen proiektua. Baionara joateko autobusa ere garraioaren atalean, Elizetx Ahizpak, erresistenteen izena duen geltoki berriarekin, eta trinketea erosiko duela ere herriko etxeak.
2025eko Apirilaren 04a
Idazkera eta marrazkien interpretatzaile da Katixa Lizant aihertarra.
Irakaskuntza lanbidea bi urtez utzi du formakuntzak segitzeko, grafologian, haurren marrazkien interpretazioan, eta arte terapian. Ondoko pausua, idazkeraren berreziketa formakuntza bat segitzea izango du.
Badira hainbat eztabaida grafologiaz, ez baita frogatua den zientzia, baina Katixa Lizant-ek aipatu digunaz, pertsonaren nortasuna agertzen du gure idazteko manerak.
2025eko Apirilaren 01a
Apirilaren 2tik aitzina Hazparneko eremuan, txanpona beharrezkoa izango da, "zakarrontzi beltzaren” botatzeko. Permanentziak apirilaren 11a arte proposatzen dituzte, Hazparneko lurralde eremuan, txanpon elektroniko horien biltzeko.
Euskal Elkargoan eremuka antolatuak dira hondarkinen zerbitzuak. Jon Etxart, Bidaxune, Hazparne eta Iholdiko eskualdeaz arduratzen da, eta lanbide hortan duela 25 urte hasi denarekin baliatu da Arantxa Idieder, pundua egiteko zerbitzuaren bilakaeraz, eta antolaketaz.
Ondoko permanentziak: martxoaren 28an, apirilaren 1, 4, 8 eta 11n.
2025eko Martxoaren 28a
Haurrekin yoga eta dantza euskaraz egitea proposatzen du Quitterie Setoainek martxoaren 30ean, Kanboko ikastolan. 5-7 urte eta 8-10 urte artekoei zuzendua zaie goizez iraganen den tailerra.
Psikoterapian sendagile, Kundalini Yoga irakasle eta dantza terapeutarekin hitz egin du Panpi Mercapidek, Hari Home elkarteko sortzailearekin
Izena emateko igandez iraganen den tailerrean deitu 06 24 00 45 87 zenbakira.
2025eko Martxoaren 18a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016