Liburu bat erosi, haur bati eskaintzeko
Baionako Elkar argitaletxean liburu eta diskoak bereziki aurkitzen ahal dituzue, eta Sokorri Popularra erakundearekin partaidetzan, liburuak haurrei eskaintzea proposatzen dute.
Urriaren 17tik, Miseriaren kontrako Nazioarteko Egunetik, azaroaren 20ra Haurren Eskubideen Nazioarteko Egunera irauten du. Ideia sinplea da beraz, Elkar dendan haur literatur sailean liburu bat erosi, eta Elkarrek Sokorri popularrari emango dio.
Elkar dendako zuzendaria den Peio D’Uhaltekin mintzatu da Arantxa Idieder.
2019ko Azaroaren 18a
Petti eta Moshka Beskoitzen larunbatean
Larunbat honetan, Blues doinuak nagusituko dira Beskoitzen.
Bixintxo elkarteak, bere herrian den gela, edo hoiek "antzokia" deitzen diotena, baliatu nahi dute, eskaintzen duen akustikagatik ere.
Berako Petti hor izango da, baita Bartzelonatik heldu den Moshka gitarrista kantaria ere, looper pedalekin ari dena.
Arantxa Idieder mintzatu da Beñat Eiherabiderekin.
2019ko Azaroaren 15a
Kepa Altonaga Hazparnen izango da ostegun honetan
Zikloaren baitan ondoko mintzaldia azaroaren 19an izanen da asteartez Aiherran, Ainize de Madariagarekin: Hizkuntzen traumatismoez egin ikerketa lanaz. Eta azkena azaroaren 28an Beñat Itoizekin gaztainetaz.
2019ko Azaroaren 14a
Ttok : artistentzat erakusleiho berri bat Uztaritzen
Erakusketa gela berri bat bada Uztaritzen (Labourd jatetxearen ondoan), Ttok deitzen dena.
Azaroaren 15ean estrenatuko dute lehen erakusketa 19:00tatik goiti. IF artistaren etxean kokatzen da erakusketa gela partekatua. Herritarrekin artea partekatzeko leku bat ere izan nahi du.
Lehen erakusketarentzat, IF-en obrak ikusteaz gain, bere arte irakasle izan zen Alain Jouverenak badira, baita bere ikaskide izan zen Viviane Michelenak ere.
2019ko Azaroaren 13a
Aterbe berri bat izango da laster naturazaleentzat Kanbon
ElOndare deituko den egoitza idekia, eraikitzen ari dira Elorrimendin (frantsesez La bergerie mendixkan). Departamenduak kudeatzen duen gunea, Frantziako eremu natural sentsibleetan sartzen da (ENS). GR8 oinezko bidea hortik pasatzen da, eta eskola ainitz ere joaten dira bertara aktibitateak egitera.
Babesleku bat eskas zen, eta egoitza berri hori Kanboko Iñaki Noblia arkitekto kabineteak pentsatu du. Osoki egurrez den egoitza eraikitzen ari dira agentziako langileak, abenduan estrenatzeko. Komunak izango dira, eta erle kofoinak ere.
Arantxa Idieder bertara hubildu da Iñaki Noblia arkitektoarekin.
2019ko Azaroaren 12a
Mintzalasai elkartea 2020 urteari begira
Uste baino gehiago garelako lema hautatu zuen Mintzalasai elkarteak, azpimarratzeko BAB eskualdean, 15.000 aukera badirela euskaraz hitzegiteko egunero.
Baiona Biarritze Angelu, 15.000 euskal hiztun edo elebidun hartzaile badira, bainan eremu berezia da, eta euskararen presentzia indartzeko erronka egunerokoa da. Biltzar nagusia eginen du elkarteak ostegun huntan Biarritzen 18:15ean Biarritzeko elkarteen etxean. Eta laguntzaileen aperitifa azaroaren 8an Lurraman 18:30tan Eki standaren aitzinean.
Arantxa Idieder mintzatu da Viviane Ithursarryrekin.
2019ko Azaroaren 07a