Angeluko Kimua ikastolak, urteroko Itsas Laminen Korrika antolatuko du igande honetan. 15. edizioa izanen da aurtengoa eta sekulan baino jendetsuagoa izanen da, 200 parte hartzaile baino gehio goaitatzen baitituzte. Emazteendako soilik egina den lasterketa, Angeluko La Barre gunetik abiatuko da.
Integrazio batzordearen aldeko ekimen hau geroz eta arrakasta gehio hartzen ari da eta azpimarratu behar da, Jon Errekart antolatzaileak erran digun bezala, barne lehiaketa batzu plantan ezartzen dituztela, eta horrek ere tira sortzen duela.
2025eko Martxoaren 14a
Haurren opor garaia hautatu du Baionako Turismo bulegoak abiatzeko hiria ezagutzeko pista-joko berria, euskaraz. Pasa den ostiralean otsailaren 28an izan zen lehena eta bigarren bat izango da martxoaren 7 honetan, ostiralean, goizeko 10:00 eta 12:00 artean.
Haurrei zuzendu animazioa, bisita original baten egiteko, baina helduentzat ere egokia izan daitekena. Apirilaren 19an, eta maiatzaren 7 ta 30ean izango dira berriz pista-jokoak.
Arantxa Idieder mintzatu da Joana Barace gidari hizlariarekin.
2025eko Martxoaren 06a
Pilotan, pasakako modalitateak ez ditu gehiago pilotari ainitz erakartzen. Ongi menperatzeko, joko gogorra da, eta aurtengo txapelketa ere gainbeheraren erakusle da. Iparraldeko Batzordean, usaian baino bikote guttiago aritu dira aurten. Alta, Txapelketaren finalen kari, Pasakako familiak urteko hitzordurik garrantzitsuena izanen du larunbat honetan, Baigorrin.
Olatz Idoaterekin hitz egin du azken urte hauetan modalitatea dominatu duen Laurent Albistur azkaindar pilotariak.
Martxoaren 1ean, Baigorriko trinketean, Iparraldeko Batzordeko Pasakako finalak.
2025eko Otsailaren 28a
Ez dira auzo herriak, ez dute senidetze formalik, baina horrek ez du kentzen Sara eta Ondarruk topaketa egun bat antolatu dutela larunbaterako, martxoaren 1ean.
Momentuan, lagunen arteko ekimen soil bat da, musika ardatz harturik, eta bizkaitarrek Sarako Pleka trinketean kontzertu bat eskainiko dute: Braulio, Shibari eta DJ Elepuntok, gaueko 9etatik aitzina.
Olatz Idoate mintzatu da Patrick Etxegarai “Saski”-rekin.
2025eko Otsailaren 28a
Senpereko Kattalin Elizalde (KEI) kolegiko buraso zonbaitzurekin elkarlanean, Zuraideko dantza taldearekin elkartu dira, zonbait urtez pausan egon diren ihauteriak berriz hasteko Lapurdiko herrian.
Martxoaren 1ean Zuraiden, desfilea 18:00etan abiatuko da, zan pantzarren auzia izango da ondotik eta gauean kontzertuak ere antolatu dituzte, tartean Xabaltx herritarrak bere disko berria ere aurkeztuko du.
2025eko Otsailaren 27a
Lehorretik Itsasora, lemarekin berpiztu zuten ihauterien ohitura Getarian duela hiru urte.
Kostaldeko herriak, euskal ohituretan oinarritzen zen ihauteria biziarazteko gogoarekin lanketa baten ondotik, laborari, ontzi kapitain edota marinelen pertsonaiak sortu dituzte desfilearentzat.
Bost dantza ere sortu dituzte, eta aurten arin-arin berri bat ere, “Norda” ezizenarekin ezaguna zen Getariako bertsolari baten testuak oinarri hartuta.
Arantxa Idieder han zen, eta parte hartzaile desberdinekin mintzatu da, eta lehenik kapitainarekin.
2025eko Otsailaren 25a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016