Arrokagarai ikastolak ere bere eguberriko merkatua antolatuko du igandean, abenduaren 1ean Itsasun. Saltzaile desberdinak izanen dira, baita animazioak ere haurrentzat.
Parada eguberriko oparien egiteko eta Olentzero laguntzeko, Eztitxu Mailharrancin burasoak erran digun bezala.
2024ko Azaroaren 29a
Urruñako Urruñako Merkataritza eta Ofizialegoaren astearekin segitzen dugu, eta hasteko Euskal Monetari buruzko asteazkeneko hitzaldia aitzin, Amaia Baltazarrekin hitz egin genuen. 114 kide partikular dira Urruñan Euskoa erabiltzen dutenak, eta 33 kide profesional, baita Urruñako herriko etxea ere.
Amaia Baltazar, garapen arduraduna da euskal monetan.
Pausu auzoko etxe zaharranetariko bat, duela 104 urte ireki zuten elkarte taberna da, antolatzeko eta biziarazteko manera desberdina proposatzen duena.
Xaia ostatua "Taberna bat baino gehiago" Beñat Elizondo arduradunak erran digun bezala.
Urruñako zentrotik pare bat kilometrora den Lau Auto garaje eta auto saltzailearen gana joan da Olatz Idoate. Lapurdiko kostalderen kokapenaz, langileak aurkitzeko zailtasunak, etxebizitzaren problematika erdigunean Urruñan ere, aipatu du garajeko Jon Uhalderekin Olatz Idoatek.
2024ko Azaroaren 29a
Txaptrax, txalaparta eta musika elektronikoa eta teknoa nahasten dituen talde berria da.
Pierre Loustaunau, Peio Erramuzpe, Bixente Etchegaray, Txomin Dhers eta Youri Fernandez dira taldeko kideak. Joan den martxoan abiatu zuten taldea, eta erritmoa emaiten badute zuzeneko saioetan, erritmo handian aitzinatzen dela taldea ere erraiten ahal dugu, abenduan grabatuko baitituzte lehen konposaketak.
Panpi Mercapide mintzatu da Peio Erramuzpe eta Txomin Dhers taldeko bi musikarireekin.
Azaroaren 22an, Ttattola Gaztetxean Hazparnen entzuten eta ikusten ahalko da Txaptrax gaueko 9tan Zinegin festibala kari.
2024ko Azaroaren 21a
Familien segipena eta laguntzea, txostenak muntatzea, dirua biltzea eta sentsibilizazioa, hori dena da Integrazio Batzordea elkartearen lana.
Diruztatze misioa betetzeko, momentu honetan eguberriko izai salmenta egiten du. Bainan behar ekonomikoak handiak ditu elkarteak. Bada orain hiru urte Frantziako hezkunde nazionalak ematen duen laguntza ez dela aldatu, inklusioan diren ikasleen kopurua emendatzen delarik.
Integrazio Batzordeko bulegoko kiden den Gisèle Etxeberrirekin hitz egin du Arantxa Idiederrek.
Ez ahantz, azaroaren 25a dela azken epea zuen izaia manatzeko.
2024ko Azaroaren 21a
Ote lorek bere 40 urteak ospatzen segitzen du urte bukaera honetan, eta kontzertu bat proposatzen du larunbatean azaroaren 23an, bainan bere inguruko gazteek antolatua.
Bloñ, Mugan eta Punttu Kakotx ariko dira herriko gelan.
Ainhoa eta Xumai Gorostiaga Irigoien eta Oihane Irigoien, gaualdiko antolatzaileekin mintzatu da Arantxa Idieder.
2024ko Azaroaren 21a
Itsasun ohitura zen denboran gaualdiak antolatzea, kantari, antzerkilariekin, jateko eta edatekoa eskainiz. Usaia onak mantendu nahian, Arrokagarai ikastolako “euskaraz bizi” taldeak berriz bultzatu nahi izan du Kabaret gaualdia.
Azaroaren 23an, larunbatean Itsasuko Gaztetxea deitu gelan gaueko 7etarik goiti, antzerki kantu eta istoriak entzunez afaltzen ahalko duzue 17 euroren truk. Panpi Mercapide, Jokin Irungarai antolaketakoarekin mintzatu da.
Kasu izen emaiteak azaroaren 20an bukatzen dira: euskarazbizi.arrokagarai@gmail.com.
2024ko Azaroaren 20a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016