Zuraideko Kosta Garaia elkartean, sartzea dela eta aktibitateak berriz hasiko dituzte eta gomita luzatzen daukute urriaren 13an larunbatean, gaueko 9etan Anje Duhalderen kontzertuarentzat. Kontzertua hasi aitzin, taloak eta edatekoa ere izango da.
Eztitxu Goyetchek, Panpi Mercapideri usaiako animazioak aipatu dizkio baita aurtengo proposamen berriak ere.
2018ko Urriaren 08a
À¢Â€ÂœHego haizeak, Ipar doinuakÀ¢Â€Â deitu kontzertua izanen da Zugarramurdiko Leizeetan larunbat arrats honetan 8etan. Abesbatza, Txistulari, dantza talde eta Pauline & Juliette, Jon Itçaina eta Guy Saldubehere kantu ariko dira ere.
Panpi Mercapide, Ainhoa Aguirre Sorginen leizeko zuzendariarekin mintzatu da ekitaldiaz.
2018ko Urriaren 05a
"Hik Hasi" elkarteak Lehuntzen, azken 20 urteetan kudeatu ditu gau eskolako kurtsoak, ateraldiak, kantu taldea eta ganer huste bat urtero. Hain zuzen heldu den igandean urriaren 7an izanen da egun osoan eta honekin batean, mendiko bizikleta eta oinezko ibilaldiak.
Hastapenetik elkarteko kide eta irakasle izan den Martine Charron-ekin hitzegin du Panpi Mercapidek
2018ko Urriaren 04a
Joan den ekainean, euskal elkargoak adierazi zuen euskara eta gaskoia ofizialki ezagutzen zituela. Baina Euskal Herrian Euskaraz erakundearen iduriko ez da aski. Mobilizaziora deitu du larunbat honetan 11etan Baionako herriko etxe aitzinean.
Marga Forestier mintzatu da Eider Lopez Senpereko taldeko kidearekin, elkargoak egin duen hizkuntzaren ezagutza hori aipatzen du lehenik.
2018ko Urriaren 04a
Euskarazko literatura bultzatzeko urtero Baionako mediatekak "Irakur" egitasmoa bultzatzen du. Azken urteetan aste bateko hitzordua da, nahiz eta garaian hilabete batekoa zen.
Aurten "Irakur" egitasmoak, urtebetetze borobil bat ospatuko du, Gilles Rivière Baionako mediatekako liburuzainak, Panpi Mercapideri erran duen bezala.
https://mediatheque.bayonne.fr/iguana/www.main.cls?p=*&v=0ba08232-d3d5-4ed5-86cd-814a889849f5
2018ko Urriaren 03a
AIGA, oinarrizko ikastaldi elebiduna proposatzen du Uda Lekuk, CEMEA formakuntza egiturarekin. Hurbiltzen diren oporretan urriaren 28tik, azaroaren 4erat Baionan.
17 urtetik gorakoei zuzendua den ikastaldian parte hartzeko harremanetan sartu behar da Uda Lekurekin (05.59.55.01.25) edo http://www.cemea-formation.com webgunean. Uda Lekuko Amets Lahetjuzan, garapen eta formakuntza arduradunak oroitarazi du BAFA edo AIGA 3 zatitan dela.
2018ko Urriaren 02a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016