Gure moltsa kudeatzen laguntzea proposatzen du Beltzane Obanosek. Obabel Finantzak deitu enpresa sortu berri du "Coach" formakuntza bat segitu ondoan.
Finantza pertsonaletan trebakuntza lanak proposatzen ditu, baina filosofia batean oinarrituta; Gure diruaren jabe izatea, ahal bezain bat bankuaren menpekotasunetik ateratuz.
Arantxa Idieder, bi arlo desberdinetan berezitua den Beltzane obanosekin mintzatu da.
2021eko Agorrilaren 31a
Izerdi Bidez deitu elkartea sortu dute Ezpeleta aldean. Mendietan korrika egiteko elkartzen diren hamar bat lagun dira. Unai, baten iloba, eta azken hau laguntzen duen Integrazio Batzordea ekonomikoki laguntzeko sortu dute kirol desafioa.
Irailaren 17tik 18ra, ZIBURU, AINHOA, BIDARRAI, BAIGORRI, ORTZAIZE, EZPELETA artean korrika ariko dira. Diru biltze kanpaina abiatu dute. Arantxa Idieder egon da elkarteko kide den Jean Mixel Dirazarrekin.
2021eko Agorrilaren 31a
Baionako Biltxoko elkarteak lokal bat estrenatu berri du Augustin karrikan. Lagun artean sortu da gogoa leku bat izaiteko, euskara eta euskal kultura hedatzeko.
Duela 4 urte gauzatzen hasi da eta azkenean atxeman da leku bat, lanak egin eta orai prest da ateen idekitzeko.
Pantxika Urruty elkarteko lehendakaria, eta Ibai Aguirrebarrena Mendiboure, hastapeneko sortzaile taldeko kideekin hobeki ezagutu dugu elkartea.
Zoin helburuekin sortu duten Biltxoko azaltzen dauku Ibaiek:
2021eko Agorrilaren 27a
"Bihotzak josiko ditugu berriz" Berri Txarrak taldearen erranaldia lematzat hartuz, kontzertu ziklo bat abiatzen du Usopop elkarteak Saran.
Agorrilaren 25ean, astezkenean, lehen notak gaueko 7etan entzunen dira, Keinu deitu lehengo ostatu aitzinean.
Botibol, Unai eta Tatxers taldeak ariko dira.
Usopop festibala baztertu badute, Joanes Garcia Basurko antolatzaileak orroitarazi dauku kontzertuen antolatzea ez dutela sekulan bazterrerat utzi:
2021eko Agorrilaren 24a
Sara eta Zugarramurdiko mugan kokatua da Ahizpa denda berria. Emazte jauntzi, bitxi, apainketa, jostagailu eta beste aurkituko dituzue.
Urtxola jatetxearen azpian, leku lasai eta ederrean kokatua da Maiana Mendiburu eta Pantxika Bergarak sortu duten denda. Pantxikak azaldu dako Panpiri izenaren jatorria:
2021eko Agorrilaren 17a
Udazkenean, lehen Te landareak landatu zituelarik joan ginen Mikel Esclamadon laborariaren gana.
900 zango landatu zituen, eta udaberrian beste 1000 landatu ditu, udazkenean berriz gehiago landatuko dituelarik. Lehen te uzta bildu du, 100 gramo atera ditu momentuz.
Lehen hostoak bildu berri dituelarik, Arantxa Idieder berriz joan da Uztaritzeko te landak ikustera
2021eko Uztailaren 30a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016