Herri Txiki Infernu Handi Itsasun
Herri Txiki, Infernu Handi euskal telebistan agertzen den emankizuna Euskal Herriko herrietatik pasatzen da, bertako biztanleak ikustera joaiten dira, umorearekin jostatzeko gogoarekin beti.
Ondoko saioaren grabatzeko, urriaren 31n Itsasun publikoa gomitatzen dute, gaualdi berezi batentzat. Arantxa Idiederrek hitzegin du, Zuhaitz Gurrutxagarekin.
2018ko Urriaren 30a
Uztaritzetik Tolosara ateraldia antolatzen dute
Uztaritze eta Tolosa arteko senidetze elkarteak ekitaldi batetara gomitatzen zaituzte. Tolosan iraganen den 50. abesbatzen lehiaketara hurbilduko da Uztaritzetik autobus bat. Leidor antzokian 3 talde entzuten ahalko dira. Xehetasunak senidetze taldeko burua den Peio Berocohirigoin-ekin.
Izena emaiteko autobusan eta ikusgarriarentzat deitu 06 31 07 75 03 urriaren 29a aitzin.
2018ko Urriaren 29a
Goxoki gaztetxeak 30 urte beteko ditu asteburuan
Urriaren 27an, Itsasuko Goxoki gaztetxeak 30 urte ospatuko ditu.
Eguerditik goiti, bazkari eta animazioak proposatuko dituzte. (Kli-K, Asto Baba, Diabolo Kiwi, Kiki & Red Kiketz, Sorotan Babies, Fizt and Furiuz eta Kevin Jager.)
Amaia eta Patxik diotenaz, besta ederra prestatu dute.
2018ko Urriaren 26a
Krakada eta bertsoa lagun Larresoron
Larresoron bertsoa biziarazteko gogoarekin zale batzu badira aspaldian. Eta usaiako bertso saio, edo bazkarietarik aldatzeko, bigarren aldikotz, Bertsu Krakada proposatzen dute ostiral honetan 18.30tan.
Ote Lore eta Debrutegia elkarteek elgarrekin proposatzen dute Larresoroko Debrutegia gela berezi eta goxo hortan. Izena eman behar da aitzinetik: 06 13 10 44 39 /debrutegia@gmail.com
Arantxa Idieder, Armand Jaunarena antolatzailearekin hizketan.
2018ko Urriaren 25a
Wolfram sindromoaren ikerketa laguntzeko kantaldia
Wolfram sindromo genetikoa duen Ilune gaztearen aldeko kontzertu bat izan zen Donibane Lohizunen. Elkartasun haundia zela ikusiz, berriz antolatzen dute kontzertu bat ostiralean, urriaren26ean Donibaneko elizan. Etekinak ikerketaren laguntzeko izanen dira.
Panpi Mercapide mintzatu da Peio Dufau eta Elena Diratchette-Dufaurekin.
2018ko Urriaren 24a
Kolegioko integrazio gela laguntzeko gaualdia
Kanboko Xalbador kolegian, “IEP” edo Inklusio Egitura Pedagogiko gela bat bada, ahalmen urritasun baten ondorioz zailtasunean diren gazteen laguntzeko. Urriaren 24ean, gaueko 9etan Ezpeletako elizan izanen da kantaldi bat Atsulai taldearekin gela hunen aktibitateen fresen estaltzen laguntzeko.
Gela hortan irakasle den Oihana Etcheverria, Kattin Guerin laguntzailea, eta Oihan ikaslearekin mintzatu da Panpi Mercapide.
2018ko Urriaren 23a