EMANKIZUNAK | ASTEAZKENEKO GOMITA
Asteazken goiz honetan gure gomita Mikel Amilibia izan dugu.
Arrangoiztarra ez da mugatzen arlo bakar batean: kantari, animatzaile, suhiltzaile, kosmetika egile, edo politikan ere.
Panpi Mercapiderekin bazuten zer aipa ordu batez.
2023ko Abenduaren 06a
EMANKIZUNAK | ASTEAZKENEKO GOMITA
Gure Irratiko estudioetan ginuen Gabi Etxart Ezpeletarra.
Bankaria izana, Mendi kaskoetako lasterketa antolatzailea, munduko antolatzaile zaharrenetarikoa omen! Herri Jokoak, Napurrak elkartea, seminarioko orroitzapenak aipatu dizkigu besteak beste.
2023ko Azaroaren 29a
EMANKIZUNAK | ASTEAZKENEKO GOMITA
Astezken goiz huntan Guillaume Irigoyen gure gomita zen, kazetaritza, kantua, pastorala ere besteak beste aipatu dizkigu.
Frantxua bere anaiarekin, Irigoyen Anaiak bikotea osatzen zuten. Herriz herri ibiltzen ziren eta jakiten zituzten kutzukeriak mikroan umorearekin aipatzen zituztela oroitarazi digu Guillaume Irigoienek.
2023ko Azaroaren 22a
EMANKIZUNAK | ASTEAZKENEKO GOMITA
Goiz honetan Lorentxa Saragueta kanboarra genuen gomita Gure Irratian. Komunikazio digitalan lan egiten du, eta sortzaile grafiko gisa.
20 urte pasa, liburuzain gisa lan egin ondotik, ez zuen euskal kultura utzi nahi eta horregatik bide berri hori gustora hartu zuen.
Elkar osatzen dutela Euskal Kultur Erakundean duen postuak eta ondoan egiten duen komunikazio lanakesplikatu digu besteak beste, Delirimu Tremens taldearen komunikazioaz arduratzen den Lorentxa Saraguetak.
2023ko Azaroaren 15a
EMANKIZUNAK | ASTEAZKENEKO GOMITA
Mirentxu Elissalde Parachu izan da gure asteazkeneko gomita. Itsasuar laborari ekoizlea, Antxondoko Bordan saltzaile, Herriko Etxean inplikatua da ere laborantza sailan.
Lurraman ere engaiatua, emazte laborariak omenduak diren urte honetan, Panpi Mercapideren mikroan erraiten zigun beren etxean emazteek dutela beti etxaldea kudeatu.
2023ko Azaroaren 08a
EMANKIZUNAK | ASTEAZKENEKO GOMITA
Gilles Texier izan da urriaren 25eko Asteazkeneko Gomita, eta gaztaina izan dute solasgai Panpi Mercapiderekin. Elikagai abandonatu hau berriz biziaraztea eta erabiltzea gogoko du, Ardeche eskualdean ikasi zuen bezala.
Gaztaina elkartea sortu dute, jakintza bat berreskuratzeko, balorizatzeko eta promozionatzeko.
Gaztaindiak aspaldian izan dira Euskal Herrian, eta gaztainaren kultura galdu balin bada, berriz behar dela biziarazi uste du Gilles Texier urepeldarrak. Bere ekoizpenak, irin gaztaina adibidez, Urepele inguruko komertzioetan atzematen ahal dituzue edo Baigorriko merkatuan.
2023ko Urriaren 25a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016