EMANKIZUNAK | ASTEAZKENEKO GOMITA

"Ez da euskara jakin behar komunitate hortara lotzeko, bainan euskararen atxikimendua izan behar dugu, horregatik Harro Herri!"

_ez_da_euskara_jakin_behar_komunitate_hortara_lotzeko_bainan_euskararen_atxikimendua_izan_behar_dugu_horregatik_harro_herri_

MP3 jaitsi

Goiz huntako gomita Ihintz Oliden baionarra genuen, 20 urte pasa Irlandan egon ondotik, bere sorterrira itzuli eta AEK-n lan egiten du orain koordinatzaile postuan.

Korrika aipatu aitzin, Belfasteko bizi moldea aipatu digu, Euskal Herriko errealitatearekin antza duela kondatu digu, naiz eta ingelesaren ikasteko joan zen, Irlandera ere ikasi du Ihintz Olidenek

Panpi Mercapiderekin izan solasa osoki entzun hemen.

2024ko Urtarrilaren 24a

EMANKIZUNAK | ASTEAZKENEKO GOMITA

Amaia Caumont: "Full Contact kirol berezia da, behar da onartu bestea jotzea eta kolpeak hartzea"

amaia_caumont_full_contact_kirol_berezia_da_behar_da_onartu_bestea_jotzea_eta_kolpeak_hartzea_

MP3 jaitsi

Goiz huntan Gure irratian Panpi Mercapidek, Amaia Caumont errezebitzen zuen.

Euskara eta heldu ta haurren irakaskuntza aipatu dute bainan kirol diziplina bat ere. Lehunztarrak Hiriburuko ikastolan irakasle izaiteaz gain, Full Contact borroka kirola egiten baitu. Boxeo mota desberdinak izanik ere, Amaia Caumont-ek zoin nahiago duen azaldu dauku.


2024ko Urtarrilaren 17a

EMANKIZUNAK | ASTEAZKENEKO GOMITA

Itziar Leemans: "Kuban ikasten duzu medio gutirekin, ahal bezain zinemagintza ona egiten"

itziar_leemans_kuban_ikasten_duzu_medio_gutirekin_ahal_bezain_zinemagintza_ona_egiten_

MP3 jaitsi

Itziar Leemans film egilea izan da 2024ko gure lehen Asteazkeneko Gomita.

Kuban egin ditu zinegintzako lehen urratsak, goi mailako zine eskola batean.

Praktika ainitz egiten dela eskola hauetan, eta egun luzeak izan direla, "erritmo Sobietikoa" zela aipatzen zaukun. Formakuntza ona ukan duela, bainan ahal xumeekin erran digu ere. Panpi Mercapiderekin gomita izan da.

2024ko Urtarrilaren 10a

EMANKIZUNAK | ASTEAZKENEKO GOMITA

"Brasil, Mallorca edo Alemanian ematen ditugu ikusgarriak bainan guretzat inportantea da hemen ere ematea, oreka hori nahi dugu atxiki"

_brasil_mallorca_edo_alemanian_ematen_ditugu_ikusgarriak_bainan_guretzat_inportantea_da_hemen_ere_ematea_oreka_hori_nahi_dugu_atxiki_

MP3 jaitsi

Asteazken goiz honetan, Bastidan kokatuak diren Lagunarte eta Clarenza elkarteetan, ekoizpen eta hedapen lana egiten duen Maite Garra gure estudioan genuen.

Izturiztarra sortzez, gaur egun Baionan bizi da.

Urtarrilean "Neguan" deitu asteburua antolatzen dute, hau aipatu du Panpi Mercapidek berekin eta itzaleko lana egiten duela aitortu dauku Maite Garrak.

2023ko Abenduaren 20a

EMANKIZUNAK | ASTEAZKENEKO GOMITA

"Bizar Xuri ere toki batzutan Olentzero bihurtzen da, argia ekartzen du"

_bizar_xuri_ere_toki_batzutan_olentzero_bihurtzen_da_argia_ekartzen_du_

MP3 jaitsi

Goiz honetako Asteazkeneko gomita Aitzol Salaberria Goñi genuen.

Egur-Berri enpresaren ko-kudetzailea, Olentzeroren Lagunak elkartekoa, eta Errobiko Joaldunak taldeko kidea da. Panpi Mercapiderekin hainbat gai aipatu dituzte ordu bateko solasan.

2023ko Abenduaren 13a

EMANKIZUNAK | ASTEAZKENEKO GOMITA

"Txoria Txori Hegoaldean kantatzea edo Baionan, ez du gauza berdina egiten, hemen folklorea da !"

_txoria_txori_hegoaldean_kantatzea_edo_baionan_ez_du_gauza_berdina_egiten_hemen_folklorea_da_

MP3 jaitsi

Asteazken goiz honetan gure gomita Mikel Amilibia izan dugu.

Arrangoiztarra ez da mugatzen arlo bakar batean: kantari, animatzaile, suhiltzaile, kosmetika egile, edo politikan ere.

Panpi Mercapiderekin bazuten zer aipa ordu batez.

2023ko Abenduaren 06a


Gure Irratia, bidea eginez

1981 2024

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urte baietz!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ


Gurekin harremanetan sar




segurtasun kodea

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016