Urteroko hitzordu garrantzitsua da Baionako ZUP auzoko Zuperfete. Auzokideak elkartzen baitira hainbat animazio, tailer eta kontzertuen inguruan eta sustut bazkari parte hartzaile baten inguruan.
20 talde desberdinek prestatuko dute bazkaria, denek ber oinarriarekin oilaskoa, bainan munduko molde desberdinetan. Zoin oilasko hautatubazkaltzeko? Zozketa baten bitartez hautatua da, eta hori prezio merkean, 5 eurotan.
Arantxa Idieder mintzatuda Xan Goenaga antolatzailearekin.
2022ko Urriaren 07a
Makeako nesken eskubaloi taldeak arbitro bat xerkatzen du. Iaz berriz abiarazi zuten helduen taldea eta gaur egun departamendu mailako Excellence mailan ari dira. Ongi hasi badute sasoia, ezin izango dituzte fase finalak jokatu arbitrotik ez badute atxemaiten. Aña Saint Esteben jokolariarekin dugu Olatz Idoate
Harremanetan jartzeko taldearekin: asclagunak@gmail.com edo instagram edo facebooken bidez.
2022ko Urriaren 07a
Julen Rekarte Arretxeak 6 urte ditu, eta Aicardi-Goutières sindromoarekin bizi behar du. Eguneroko atentzioa beharrezkoa du, material egokitua, eta ospitale eta zentroetara kasik egunero joan behar du.
Ekonomikoki laguntza bat ekartzeko igandean urriaren 9an atsaldeko 5etan kantaldia antolatu dute Luhusoko elizan. Arantxa Idieder mintzatu da abesbatzako kide den Christine Fagouetekin.
2022ko Urriaren 06a
Ikusi Mikusi euskarazko haur eta gazte literatura azoka asteburu honetan ospatuko da Saran. Kiribil, Galtzagorri eta Pamielak (Sarako herriko etxearekin) bigarren urtez antolaturik, ostiralean eskolentzako eguna izanen da eta larunbatean berriz familiari zuzendutako eguna.
Sarako herriko leku ezberdinetan ttipi-ttipienetik nerabezarorainoko proposamenak izanen dira. Ikuskizunak, tailerrak edo idazleekin topaketak izanen dira.
Kiribil konpainiako Paxkal Indorekin mintzatu da Maia Muruaga.
2022ko Urriaren 05a
Udazkena ospatzeko eguna antolatu du Indianoenea kudeatzen duen elkarteak.
Itsasuko Atekagaitzen, Laxia auzoan den ostatua azken urteetan elkarte batek eramaiten du, lekua erabiliz tarteka idekitzen dute, gaualdi ala ekimen batzu antolatuz. Urriaren 8an bazkari berezia antolatu dute, GUK taldearekin kantatzea posible izango baita. Eta ondotik kontzertuak izango dira gauean.
Antolatzaile den Filipe Lazkaraiekin mintzatu da Arantxa Idieder.
2022ko Urriaren 05a
Arrangoitzeko etxolek hori dute proposatzen. Hiritik ez urrun, oihanean Xabi eta Carole Etxeberri anai-arrebek lo egiteko 7 etxola eraiki dituzte zuhaitzen adarrei lotuak.
Bikoteendako edo familiarekin, naturan murgiltzeko parada emaiten dute. Olatz Idoatek bisita bat egin die, Carole eta Antton Etxeberri kusiarekin elekatu da.
2022ko Urriaren 04a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016