Azkaingo Ikasleak dantza elkartea bere 50 urteak ospatzeko, hasi da 2023ko ekaineko egun berezi hori antolatzen, eta ikusgarri bat aurkeztu nahi lukete dantza elkarteko kideek.
Bilkura publiko bat proposatzen dute ostiral huntan, Azkaingo Jauregian 9tan, Ikasleak dantza taldeko kide izan direnei gomita luzatuz. Eta larunbatean Mus txapelketa antolatzen dute atsaldeko 3etarik aitzina.
Elkarteko 3 kide gazterekin mintzatu da Arantxa idieder: Maitane Auchoberry, Gexan Garate eta Elorri Etxegarairekin.
2022ko Urriaren 27a
10 urtez Lizarrietako kaskoan, Usopop festibala antolatu ondoan, antolatzaileek formulaz aldatu nahi izan dute. Azken urteetako ezeztatzeen ondotik, azkenean asteburu huntan izango da Saran Mapa Galduak festibala.
Ostiralean punk gaualdi bat urririk Plekan, larunbatean Zeharkako bideak sekretuzko kontzertu mugatuak, rock gaualdia, eta igandeko Mugarri 25 sorkuntza bereziaz, xehetasunak bildu ditu Arantxa Idiederrek, Joanes Garcia Basurko antolatzailearekin.
2022ko Urriaren 26a
Berrikuntzak heldu dira LAT Lapurdiko Arraun taldera. Iaz TKE-2 tik TKE-1 mailara igaitea kausitu zuten Aitor Artetxe trebatzailearekin, hots 3. Mailatik, 2. mailara.
Aurten gorago joan nahi dute. Ez menturaz mailaz igan segidan, baina bai talde gisa hobetzea. Hortarako, arraun munduan ikaragarriko izen bat duen Joseba Fernandez Daguer trebatzailea jinarazi dute, zerbait gehiago ekarriko duelakoan. Olatz Idoate mintzatu da harekin.
2022ko Urriaren 25a
Getariako Beti Ari elkarteak À¢Â€ÂœHerriko ahotsakÀ¢Â€Â izeneko arratsalde-gaualdia antolatu du. Larunbatean urriaren 22an arratsaldeko 18etatik goiti dantza, musika eta sargarnotegiko menuarekin ere afari bat izanen da Getariako pilota plazan. Maia Muruaga elkarteko Mila Aibarrekin mintzatu da.
Larunbat honetan Getariako pilotalekuan izanen den afarirako izena emateko dei dezakezue: 06 37 39 60 09 edo betiari.guethary@gmail.com posta elektronikora ere idatziz.
2022ko Urriaren 21a
Senpereko Zaldubi ikastolak ateak ideki zituen 1971an, herri erdian.
Urriaren 22 honetan, larunbatean kirol zelaian izanen da besta. Aperitifa, bazkari, dantza, kantu eta kontzertuak antolatu dituzte ikastolaren 50 urteak ospatzeko.
Lehen ikasleetan izan den Paxkal Duhauk bere lekukotasuna ekarri dauku, eta ikastolako buraso diren Balbina Lagourgue eta Argitxu Bellecavek aipatuko daukute egitaraua, eta gaur egungo ikastolan diren egin beharrak.
2022ko Urriaren 20a
Patrice Dumora Watsonek bere bigarren bakarkako lana hemendik guttira plazaratuko badu, bere bigarren diskoa diruztatzeko Crowfunding kanpaina bat abian jarri zuen uda honetan.
Diru biltze kanpainaren azken orenak dira, aste bukaeran bururatzen baita. Watson-en berri jasoko duMaia Muruagak.
2022ko Urriaren 20a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016