Baionako bestetan, ostatuez gain, hainbat peñek beren ateak zabalduko dizkiete bestazaleei.
Or Konpon Peña da horietarik zaharrena. Egun guziez animazioak proposatuko ditu, eta OKB eguna ere antolatu du larunbatean, kantua eta musikari leku zabala eginez.
Patxi Amulet Or Konponeko kidearekin mintzatu zauku Kriztof Arotzarena.
2022ko Uztailaren 29a
Benito Béréau Laffite 20 urteko basusarriarra, Mont Blanc menditik itzuli berri da. Oloruen eta ondotik Alpesetan burutu ditu ikasketak, mendi eta naturguneen inguruan.
Haren ibilbidea ezagutu nahi izan dugu, udako sasoia Baigorrin pasatzen du lanean, Perkain pilotaren inguruko udalekuan, han elkartu da Ihintza Arrieta berekin.
2022ko Uztailaren 27a
tTok erakustokian Uztaritzen, Miren Gonzalez Goikoetxea tolosar artistaren lanen ikusteko azken egunak dira. Larunbatean gainera, uztailaren 2an artistarekin zuzenki mintzatzen ahalko da.
20 urterekin Londreserat joan zenean hasi zuen bere artista ibilbidea, Panpi Mercapiderekin aipatu dute.
2022ko Uztailaren 01a
Aste huntan, Benin herrialdeko Gangbé Brass Band taldea egonaldian da Bastidan, Clarenza elkarteak gomitaturik.
Afrikar taldeak, kontzertua eskainiko du ostiral honetan Bastidan, udako lehen Guinguette gaualdia kari. Horrez gain, holakoetan, Clarenza baliatzen da partaidetzak sortzeko lekuko ikastola, eskola edota musika eskolekin.
Asteazken atsaldean, Gangbé Brass Band eta Hazparneko Soinu Bila musika eskolako ikasleek elgarrekin errepikatu dute taldearen musika zati bat, bi orenen buruan elgarrekin emaiteko. Trukatze momentuo goxo hori segitu du Kriztof Arotzarenak.
2022ko Uztailaren 01a
Galdera horri erantzun dute larunbateko mobilizazioan. Prezio horretan, ainhoarrek ala lekuko jendeek ezin dute erosi. Goizeko 11etan herriko sarreran hitzordua eman zuen Ainhoa Beti herritar elkarteak larunbat goiz honetan, Alda eta EHbai-en sustenguarekin. 200bat pertsona abiatu da herriko sartzetik, oinez, Arkaitza etxe pareko pentzeruntz. Bertan egin ditzute hitzartzeak.
Espekulazioaren kontrako mezua izan da nagusi, Arantxa Idiederren erreportaia.
2022ko Ekainaren 27a
Donibaneko suak piztuko dituzte Angelun ekainaren 24an.
Euskal erritualak angeluarren ohituretan sartzeko gogoarekin, hasi ziren Manex Goienetxe Kultur etxeko kideak hainbat hitzordu proposatzen.
Konfinamenduak aitzin, egin duten ekimena berriz proposatzen dute ekainaren 24an, ekainaren 18an izan behar zelarik, bainan gibelatu dute ostiral honetara. Labarreko hondartzan ematen dute hitzordua. Patxi Amulet antolatzailearekin bildu da Arantxa Idieder, ekainaren 18an antolatzekoa zen ekimena aipatzeko.
2022ko Ekainaren 24a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016