55 elkartek osatzen dute GAB Baionako Bestetako Peñen kolektiboa.Kolektibo honek 12 proposamen egin zizkion Bestetako Batzordeari, geroaz gogoetatzeko, joan den abenduan. Adibidez, gazteriaren erakartzeko, belaunaldien arteko nahasketa bultzatzeko, besta garaian gerta daitezken diskriminazioei buru egiteko, transizio ekologikoa bestetako osagai nagusietan sartzeko etabar.
Bestalde, jakin peña horien %40 diru zailtasunetan direla, COVID krisia gatik. Haizegoa Peñako Gilles Barnebouglekin mintzatu da Kriztof Arotzarena.
2021eko Otsailaren 26a
Boilurraren sasoi betean gira, luxuzko onddo beltza kiloa 1000 eurotan erosten ahal duzue momentu honetan. Angeluko merkatuan Balme etxeak proposatzen du boilurra bere produktu ezberdinetan.
Amaia Uribarri saltzailearen gana joan da Marga Forestier, mikroarekin.
2021eko Otsailaren 26a
Ekaitz Iturria urruñarra osteopata da, eta Asiarat joan da bere ezagutza sakontzeko. Sri Lankan hiru hilabete pasa ditu trukaketan osteopatiaz ikasteko, eta bere lanbidearen beste ikuspegi bat ekarri dio. Bizimodu ederra eta teknika berriak aurkitu ditu. Orain Ziburun duen bulegoan erabiltzen ditu.
Alan Elissondo Ekaitz Iturriaren bulegora joan da bere lekukotasuna biltzeko.
2021eko Otsailaren 26a
Suak urrunean, baina haize bortitzarekin, beldurra nagusi zen Larhun inguruan ziren mendizale ala turistentzat. Yasola benta, Larhun pean kokatua da, Berako lurretan, Urruñako Olheta auzo gainekaldean, Ibardinetik hurbil.
Larunbatean 40bat ziren bertan bazkaltzen. Suhiltzaileek lagunduta jautsi ziren Olhetara, baina Yasola bentako kudeatzailea den Mertxe Perugorria han egon zen. Arantxa Idieder harekin mintzatu da.
2021eko Otsailaren 22a
Pandemiak ez ditu berdin jo artista guziak. Marrazkilariek adibidez, beren lana segitu ahal izan dute etxetik, haatik, hor ere ez dira denak berdin hunkituak izan. Proiektuak aintzinetik lotuak zituztenek azkarki lan egin dute, proiektu berriek zailtasun haundiagoa izan dute.
Gure Irratiko estudiora hurbildu zaigu Marko Anspach, Uztariztar marrazkilaria.Olatz Idoate harekin da, baina gaurkoan Marko ez da bakarrik.
2021eko Otsailaren 19a
"Family is sustainability" edo "Familia iraunkorra da" lehiaketan parte hartu du Ainciart Bergara enpresak. Mundu osotik, ehun bat hautagaitza bildu ditu elkarte antolatzaileak. Eta 5 hautatu ditu finalerako. Hauen artean da Larresoroko makila egile famatua.
Lehiaketaz argitasunak galdegin dizkio Kriztof Arotzarenak Xabier Retegi enpresako langileari.
2021eko Otsailaren 19a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016