Baionako OTSOKOP kooperatiba parte hartzaileak baditu proiektuak urte bukaera honetan. Kide gehiago lortzeko ateak idekiko ditu larunbatetan.
Xehetasunen bila joan da bertara Marga Forestier eta Ixabel Cassan de Gorostarzu Otsokop-eko kideak egin dio bisita.
2020eko Abenduaren 04a
Hiriburuko Gizarte Ekintzarako Herriko Zentroa edo CCAS delakoaren lana hobeki ezagutuko dugu. Aipatuko dugu ere garai berezi hau nola kudeatzen ari diren.
Niko Elizalde zuzendariaren gana joan da Kriztof Arotzarena.
2020eko Abenduaren 04a
Asteazkenero 8:45ean, Paul Mendiburu laguntzailearen berriak.
2020eko Abenduaren 02a
2013an Olentzeroren lagunak elkartekoek pertsonaiaren inguruan lan bat egiten hasi ziren. Olentzeroren webgunea sortu zuten Euskal Kultur Erakundearen laguntzarekin. 2016an kontzertua egin zuten 400bat kantarirekin, ondotik disko eta DVDak eginez; eta 2018an Baionaskada antolatzen sustengatu zuten.
Olentzeroren lagunak eta Olentzero zaleen elkarteak, aurten liburuxka bat banatuko dute iparraldeko ikastetxe elebidun eta ikastoletan.
Irati eta Aitzol Salaberria Goñik aipatu diote Panpi Mercapideri.
2020eko Abenduaren 02a
Euskaraldia kari bildu dugun lekukotasunen artean, Phillip Basterra itsasuarrarena. 26 urte zituela, Ingalaterratik Euskal Herrira etorri zen bizitzera.
Olatz Idoate haren gana hurbildu da, bere ibilbideaz hitz egiteko.
2020eko Azaroaren 30a
Ikastolek aurten ez dituzte haien usaiako diru iturri diren ekitaldiak antolatu ahal izan. Ondorioz burumuinak beroarazi dituzte burasoek, salmenta desberdinak antolatuz.
Urruñako ikastolak Alsaziako "Leiber" etxeko arno salmenta proposatzen du, Sebastien Irazoki buraso arnozaleak erran dion bezala Panpi Mercapideri.
2020eko Azaroaren 30a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016