2021eko Urtarrilaren 29a
Peyo Labeguerie kantaria zenaren semeak, etxeko aita nola zen ere kondatu digu / GURE IRRATIA
Michel Labeguerie kanboar medikua, politikari abertzale eta kantariaren sortegunaren 100. urtemuga ospatuko da martxoan. Mintzaldi, kantaldi eta CD bikoitza ere plazaratuko dute karia hortarat,Michel Labeguerieren Lagunak elkarteak bultzaturik.
Peyo Labeguerie bere semearekin mintzatu da PanpiMercapide.
Mixel Bidegain eta Maider Cigarroa KEI-ko burasoak
Senpereko Kattalin Elizalde Ikastegiaren lehen besta iraganen da abenduaren 3an kolegio berrian.
10etan ateak idekiko dituzte.
11etan "Gaztelondon zer berri" errezitala
13tan Bazkaria
16etan "Ketariatik mundura" nano pastorala
2 burasorekin aipatu du egunaldia Panpi Mercapidek, eta kolegioa mublatzeko behar duten diru bilketa kanpainaren berri ere hartuko duguMaider Cigarroa eta Mixel Bidegainekin:
2023ko Abenduaren 01a
Azaroaren 27an, astelehenean hitzaldi bat ere izango da Hervé Covès-ekin 18:00etan.
Arbolaren bestaren lehen edizioa iraganen da igande honetan Biriatun.
Egun guzian, arbolaren inguruko merkatua izango da Xoldoren parkinean. Gasnarik ez, barazkirik ez, baina arbola fruitudun, landare iraunkor eta zuhaixka ekoizleak agertuko dira.
Biriatuko Herriko etxearekin batera, OMA elkarteak du hori antolatzen. Olatz Idoate elkarteko bi kiderekin mintzatu da: Audrey Hoc eta Aimar Rodriguez.
2023ko Azaroaren 22a
Senpereko Sorginak, aisialdi errugbi taldea da / Senpereko Sorginak
Senperen, errugbian neskek ere jokatzen dute.
Senpere, Donibane Lohizune ala Urruñatik heldu dira jokalariak errugbian aritzera, 35-40 urte dituzte gehienek. Bainan plakatzerik gabeko errugbian ari dira, hunkitzearekin bakarrik.
Bada urte zonbait taldea sortu zutela, baina azken bi sasoi hauetan gorpuztu da. Olatz Idoate, hurbildu da Senpereko errugbi zelaira, eta bertan Joana Haramboure eta Saroia Galarraga jokalariekin hitz egin du.
2023ko Azaroaren 20a
Jone Bordato, Hazparnen instalatua den Akupuntore eta Shiatsularia / GURE IRRATIA
Udazkenean sartuak garenez, energetika txinatarran murgiltzea proposatzen du Jone Bordato, Hazparnen instalatua den Akupuntore eta Shiatsulariak.
Sasoi honek bultzatzen duen mugimendu energetikoa ulertzeko, hitzaldi ziklo bat abiatzen du igande honetan Izturitzen, 5 elementuen aitzakia hartuta.
Metala izango da lehen elementua, eta Energetika Txinatarra ezagutzeko estakurua izan daiteke ere lehen hitzaldi hau. Arantxa Idiederrek hitzekin du akupuntorearekin.
Jone Bordatoren hitzaldia, igandean 10.30tan Izturitzeko Artetxean izango da, izena emateko deitzen ahal duzue: 06 27 81 62 54.
2023ko Azaroaren 17a
Patxi Tikoipe, Zaldubi ikastolaren izenean hurbildu da Hiruka'ntuz eguna aipatzera / GURE IRRATIA
Kantua ohoratzea izanen du helburu HiruKantuz ekimenak azaroaren 25ean Senperen. Inharria etxean, Ipar Euskal Herriko hiru probintzietako kantuak emaitea dute xede eta hortarako liburuxka berezi bat atera dute.
Zaldubi ikastola da antolatzaileetan, eta Patxi Tikoipe burasoarekin egon da Olatz Idoate.
Izenak emaiteko, 06 09 80 90 39 zenbakira mezu bat igorri azaroaren 19a aintzin.
2023ko Azaroaren 16a
Iparraldeko Dantzarien Biltzarrak elkarteko Pierre Latasa eta Ihintza Irungarai / GURE IRRATIA
Iparraldeko Dantzarien Biltzarrak antolatzen dituen urteroko ekitaldietan sartzen da Harri Xuri Dantzan, Luhuson proposatu dantzaren inguruko hitzordua.
Aurtengo berrikuntza izanen da asteburua iraunen duela, eta festibal modukoa izanen dela. Ostiralean haste eta igande arte iraunen du.
Panpi Mercapide huntaz mintzatu da IDB elkarteko Ihintza Irungarai eta Pierre Latasarekin.
Helloasso plataforman aitzinetik erosten ahal dira sarrerak, jakinez ostiraleko ikusgarria betea dela eta pase batzu agortuak direla ere.
2023ko Azaroaren 16a
Alexandre eta Patxi Igoa aitaseme aizkolariak / GURE IRRATIA
Aizkora, Herri kiroletako modalitate gisa, ez da biziki garatua Ipar Euskal Herrian.
Alta, aizkolari batzu badira trebatzen ari direnak, txapelketetan parte hartzen dutenak ere, tartean gazte batzu.
Olatz Idoate mintzatu da Alexandre eta Patxi Igoa aitasemeekin.
2023ko Azaroaren 14a
Naia Indaburu ile apaintzalea, sortzez irisartarra Baionan instalatua da / GURE IRRATIA
2019an hasi da ile apaintzale lanetan Naia Indaburu, bainan ttipidanik duen pasioa da.
Sare sozialetan ikusi dituzue berdin, bere mozketak. Duela zonbait hilabete, instalatu da bere kondu, aldiz momentuz bere Baionako apartamenduan du saloia.
Usaiako ile apaintzaile lanetaz gain, berezitasun bat badu Naia Indaburuk: mozketa energetikoa ere egiten baitu. Bere iduriko, ileak, gure osagarriaz informatzen gaitu, eta bere helburua da, harmonia bat eta oreka bat sortzea, barneko izatea eta kanpora erakusten dugun irudiaren artean. Arantxa Idieder joan da bere ezagutzera.
Naia Indabururekin harremanetan jartzeko Instagramen Hariak izenarekin atzemanen duzue, edo hortxe bere zenbakia: 06 33 23 30 53.
2023ko Azaroaren 10a
1981 2023
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016