MP3 jaitsi (18 Mo)

Senpereko Kattalin Elizalde Ikastegiaren lehen besta iraganen da abenduaren 3an kolegio berrian.

10etan ateak idekiko dituzte.

11etan "Gaztelondon zer berri" errezitala

13tan Bazkaria

16etan "Ketariatik mundura" nano pastorala

2 burasorekin aipatu du egunaldia Panpi Mercapidek, eta kolegioa mublatzeko behar duten diru bilketa kanpainaren berri ere hartuko duguMaider Cigarroa eta Mixel Bidegainekin:

MP3 jaitsi (28 Mo)

Arbolaren bestaren lehen edizioa iraganen da igande honetan Biriatun.

Egun guzian, arbolaren inguruko merkatua izango da Xoldoren parkinean. Gasnarik ez, barazkirik ez, baina arbola fruitudun, landare iraunkor eta zuhaixka ekoizleak agertuko dira.

Biriatuko Herriko etxearekin batera, OMA elkarteak du hori antolatzen. Olatz Idoate elkarteko bi kiderekin mintzatu da: Audrey Hoc eta Aimar Rodriguez.

MP3 jaitsi (22 Mo)

Udazkenean sartuak garenez, energetika txinatarran murgiltzea proposatzen du Jone Bordato, Hazparnen instalatua den Akupuntore eta Shiatsulariak.

Sasoi honek bultzatzen duen mugimendu energetikoa ulertzeko, hitzaldi ziklo bat abiatzen du igande honetan Izturitzen, 5 elementuen aitzakia hartuta.

Metala izango da lehen elementua, eta Energetika Txinatarra ezagutzeko estakurua izan daiteke ere lehen hitzaldi hau. Arantxa Idiederrek hitzekin du akupuntorearekin.

Jone Bordatoren hitzaldia, igandean 10.30tan Izturitzeko Artetxean izango da, izena emateko deitzen ahal duzue: 06 27 81 62 54.

MP3 jaitsi (26 Mo)

Kantua ohoratzea izanen du helburu HiruKantuz ekimenak azaroaren 25ean Senperen. Inharria etxean, Ipar Euskal Herriko hiru probintzietako kantuak emaitea dute xede eta hortarako liburuxka berezi bat atera dute.

Zaldubi ikastola da antolatzaileetan, eta Patxi Tikoipe burasoarekin egon da Olatz Idoate.

Izenak emaiteko, 06 09 80 90 39 zenbakira mezu bat igorri azaroaren 19a aintzin.

MP3 jaitsi (24 Mo)

Iparraldeko Dantzarien Biltzarrak antolatzen dituen urteroko ekitaldietan sartzen da Harri Xuri Dantzan, Luhuson proposatu dantzaren inguruko hitzordua.

Aurtengo berrikuntza izanen da asteburua iraunen duela, eta festibal modukoa izanen dela. Ostiralean haste eta igande arte iraunen du.

Panpi Mercapide huntaz mintzatu da IDB elkarteko Ihintza Irungarai eta Pierre Latasarekin.

Helloasso plataforman aitzinetik erosten ahal dira sarrerak, jakinez ostiraleko ikusgarria betea dela eta pase batzu agortuak direla ere.

MP3 jaitsi (25 Mo)

Aizkora, Herri kiroletako modalitate gisa, ez da biziki garatua Ipar Euskal Herrian.

Alta, aizkolari batzu badira trebatzen ari direnak, txapelketetan parte hartzen dutenak ere, tartean gazte batzu.

Olatz Idoate mintzatu da Alexandre eta Patxi Igoa aitasemeekin.

MP3 jaitsi (26 Mo)

2019an hasi da ile apaintzale lanetan Naia Indaburu, bainan ttipidanik duen pasioa da.

Sare sozialetan ikusi dituzue berdin, bere mozketak. Duela zonbait hilabete, instalatu da bere kondu, aldiz momentuz bere Baionako apartamenduan du saloia.

Usaiako ile apaintzaile lanetaz gain, berezitasun bat badu Naia Indaburuk: mozketa energetikoa ere egiten baitu. Bere iduriko, ileak, gure osagarriaz informatzen gaitu, eta bere helburua da, harmonia bat eta oreka bat sortzea, barneko izatea eta kanpora erakusten dugun irudiaren artean. Arantxa Idieder joan da bere ezagutzera.

Naia Indabururekin harremanetan jartzeko Instagramen Hariak izenarekin atzemanen duzue, edo hortxe bere zenbakia: 06 33 23 30 53.

MP3 jaitsi (23 Mo)

Makeako Joko Berri lehiaketak baditu bere finalistak.

Joan den larunbateko finalerdietan trenkatu ziren aferak, eta azkenean, Bideondo eta Etxegoin ariko dira Bielle eta Luro-ren aurka. Finala larunbat honetan 18.00etan hasiko da eta Bixente Bideondorekin mintzatu da Olatz Idoate.

Finala larunbat honetan 18.00etan, Bideondo-Etxegoin /Bielle eta Luro.