BERRIAK

Film Sozial festibala: hiru gaualdi, zahartzaroa, migrazioa eta ahalmen urritasuna aipatzeko

2024ko Martxoaren 18a

Film%20Sozial%20festibala:%20hiru%20gaualdi_%20zahartzaroa_%20migrazioa%20eta%20ahalmen%20urritasuna%20aipatzeko

Kepa Mouesca, Uztaritzeko Etcharry sozial arloko formakuntza zentroko langilea / GURE IRRATIA

MP3 jaitsi (20 Mo)

Martxoaren 19an asteartean hasiko da Kanbon Film Sozial festibala.

L’Aiglon zinemagelan, hiru egune zhiru film hedatuko dituzte eta hiru tematika desberin jorratuak izanen dira (zahartasuna, migrazioa eta ahalmen urritasuna). Etcharry sozial arloko formakuntza zentroak antolatzen du festibala, eta bertan langile den Kepa Mouescarekin mintzatu da Olatz Idoate.


Email Facebook Twitter LinkedIn

BERRIAK

“Nahi genuen Iparraldeko rapa konkistatu”

Nahi%20genuen%20Iparraldeko%20rapa%20konkistatu

Frelasiat eta Petri, RTZ kolektiboa laukoteko bi raplari / GURE IRRATIA

MP3 jaitsi (41 Mo)

RTZ kolektiboak bere lehen disko laburra aterako du ostiralean apirilaren 19an. Baionako Zizpa gaztetxean egiten zituzten rap tailerretan elkartu dira lau kideak: Petri, OPH, Frel Asiat eta TLM.

7 kantuz osatu Konkista EPan, kantu gehienak euskaraz dira, eta zati batzu frantsesez. Trap, Drill eta Boombap doinuak, ostiral honetan Hazparneko Xuriatean egingo duten kontzertuan aurkeztuko dutena.

Arantxa Idieder Xabi Petri Petri eta Iban Uranga Frel Asiat taldeko bi kiderekin mintzatu da.

Diskoko lehen kantua, Konkista entzun elkarriketa bukeran...;)


2024ko Apirilaren 18a

BERRIAK

“Piarres Larzabal ekintzailea zen, bere bizi guzian saiatu da jendearengandik hurbil bizitzen eta laguntzen”

Piarres%20Larzabal%20ekintzailea%20zen_%20bere%20bizi%20guzian%20saiatu%20da%20jendearengandik%20hurbil%20bizitzen%20eta%20laguntzen

Piarres Larzabalek hemeretzi urte zituela idatzi zuen bere lehen komedia, 1934an / © DR

MP3 jaitsi (26 Mo)

Piarres Larzabal 1915ean sortu eta 73 urte berantago Azkainen bere sorterrian zendu zen.

Apeza, euskal literaturaren figura, euskaltzaina, antzerkigintzaren bitartez bereziki ezagutua - 120 antzezlan idatzi zituen – Piarres Larzabal gogora ekarriko dute berriz ostiralean apirilaren 19an Biltokin izango den hitzaldian.

Euskaltzaindiak antolatu gaualdian, Ixabel Etxeberria, Jon Casenave eta Daniel Landart egongo dira. Ixabel Etxeberria euskara eta euskal literaturako doktore, ikerlarieta idazlearekin hitz egin du Arantxa Idiederrek.



2024ko Apirilaren 16a


BERRIAK

Intxaurra, Lesakako Mairu Antzerki Tailerra taldearen antzezlana igandean Azkainen

Intxaurra_%20Lesakako%20Mairu%20Antzerki%20Tailerra%20taldearen%20antzezlana%20igandean%20Azkainen

Intxaurra Lesakako Mairu Antzerki tailerra taldearen pieza azken aldiz ikusgai izango da igandea honetan / MAIRU ANTZERKI TAILERRAK

MP3 jaitsi (21 Mo)

Terexak eritasun bat badu, bainan bera, bere intxaurrondoaren osasunagatik kezkatuagoa da.

Hau da, Lesakako Mairu Antzerki tailerra taldearen Intxaurra antzerkiaren abiapuntua. Intxaurra antzerkia, igande honetan apirilaren 14an emanen dute Azkaingo St Ignace opor zentroan, arratsaldeko 5etan.

Antzerkia idatzi duen Gaizka Sarasolarekin hitz egin du Arantxa Idiederrek.

Sartzeak salgai izango dira egunean bertan: Helduak (15 urte +) 10€ - Prezio apalak 5€. Erreserbak Azkaingo Herriko Etxean 05.59.54.66.89



2024ko Apirilaren 12a

BERRIAK

Ikusgarri handi bat, Iparraldeko Dantzari egunarentzat Hendaian

Ikusgarri%20handi%20bat_%20Iparraldeko%20Dantzari%20egunarentzat%20Hendaian

Pierre Latasa eta Ihintza Irungarai Iparraldeko Dantzarien Biltzarreko langileak / GURE IRRATIA

MP3 jaitsi (13 Mo)

Iparraldeko Dantzari eguna iraganen da Hendaian larunbat honetan apirilaren 13an. Akelarre dantza taldea eta Iparraldeko Dantzarien Biltzarrak elkarlanean antolatzen dute eguna.

Dantzari Ttiki haurrei zuzendu eguna delarik, larunbat honetako egunak nerabezarotik helduenera heltzeko asmoa du. 10:00etatik aitzina dantza eta ikusgarria, 14:00etan bazkari alaitua arratsaldean dantza desafioak eta 20:00tan dantzaldia Holako Deluxekin.

IDBko Ihintza Irungarai eta Pierre Latasak hitzordua aipatu diote Panpi Mercapideri.


2024ko Apirilaren 12a



BERRIAK

“Ber liburua ez dugu denek berdin irakurtzen eta hori biziki aberatsa da”

Ber%20liburua%20ez%20dugu%20denek%20berdin%20irakurtzen%20eta%20hori%20biziki%20aberatsa%20da

Janine Urruty eta Txomin Heguy Hazparne Aldeko Irakurle Klubeko bi kide / GURE IRRATIA

MP3 jaitsi (27 Mo)

Hazparne eskualdean, irakurle talde berri bat muntatu dute: HAIK Hazparne Aldeko Irakurle Kluba.

Lau kide dira momentuz, irakurri liburuaz mintzatzen dira, eta haiek dioten bezala, “presiorik gabe” helburua baita euskal literaturaz gozatzea, eta deneri ateak irekitzea euskal liburuak irakurtzeko, edo entzule gisa etortzeko ere.

Aurten lau hitzordu proposatuko dituzte, idazlea gomitatuz ala ez, eta lehena larunbatean martxoaren 30ean izango da Hazparneko mediatekan Amets Arzallus gomitatu dute Miñan liburua aipatzeko, goizeko 10etan.

Arantxa Idieder mintzatu da irakurle klubeko Janine Urruty eta Txomin Heguy-rekin.



2024ko Martxoaren 26a

BERRIAK

Itsasuko gau eskolako ikasle batzuekin egon gira irratiaz hitz egiteko

Itsasuko%20gau%20eskolako%20ikasle%20batzuekin%20egon%20gira%20irratiaz%20hitz%20egiteko

Itsasuko gaue eskolan B2 maila duten Xede programako 5 ikasle, Maika Lapouble irakaslearen ondoan /GURE IRRATIA

MP3 jaitsi (30 Mo)

Itsasuko gau eskolara gomitatu dute Arantxa Idieder Gure Irratiako langilea bere lanaz hitz egiteko, euskara formakuntzan diren ikasle batzuekin solasean aritzeko estakuruarekin.

Xede programan euskara lantzen ari diren ikasleek, B2 maila dute eta aste guzian Maika Lapouble irakaslearekin euskal hedabideak aipatu dituzte.

Irratiaren jatorri eta ibilmoldeaz hitz egin ondotik, ariketa bat proposatu die Arantxa Idiederrek ikasleei, mikroa eskutan hartzea, kaskoa belarrien gainean, eta haien ondoan dutenari galdera bat egitea.

Maika Lapouble irakaslearen ondoan, Julie Indart, Jeanine Etchecolas, Maider Urricarriet, Sylvie Ongaretti eta Peio Beheregaray ikasleak.


2024ko Martxoaren 19a


BERRIAK

Villa Pia ikastetxearen sail elebidunean: Euskara eta Frantsesaren arteko parekotasuna

Villa%20Pia%20ikastetxearen%20sail%20elebidunean:%20Euskara%20eta%20Frantsesaren%20arteko%20parekotasuna

Baionako Villa Piako sail elebiduneko bigarreneko bi ikasle / GURE IRRATIA

MP3 jaitsi (24 Mo)

Lizeo eta Kolegio ainitz bezala, Baionako Villa Pia lizeo katolikoak bere ate idekitzeak segurtatu zituen joan den asteburuan. Eta beren egitarauan, heldu den sartzerako ere, euskarazko proposamenak badituzte.

Villa Piako sail elebidunak, Euskara eta Frantsesaren arteko parekotasuna proposatzen du bigarreneko ikasleentzat. Historia Geografia irakasle den Mathieu Elgoyhenen klasera joan da Olatz Idoate.


2024ko Martxoaren 15a

BERRIAK

Itsaslaminak Integrazio Batzordearen alde

Itsaslaminak%20Integrazio%20Batzordearen%20alde

Jon Errecart Angeluko Kimua ikastolako buraso eta Itsaslaminen lasterketaren antolatzaile / GURE IRRATIA

MP3 jaitsi (19 Mo)

Emazteak ohorean dira Itsas Laminen lasterketan urtero, eta aurten ere hala izanen da.

Heldu den igandean martxoaren 17an, Angeluko Kimua ikastolak antolaturik, 10 kilometroko ibilbide batendako abiatuko dira lasterkariak, La Barre-ko skateparkean hasi eta bukatzeko. Bi proposamen dira aurten ere: lasterka kronometraturik, edo ibiliz denbora kondatu gabe.

Integrazio Batzordearen aldeko ekimenaz hitz egiteko Jon Errekart antolatzailearekin egon da Olatz Idoate.



2024ko Martxoaren 13a




Gure Irratia, bidea eginez

1981 2024

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urte baietz!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ


Gurekin harremanetan sar




segurtasun kodea

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016