Elkarretaratze jendetsuak izan dira asteartean, Baionan. Osasun eta sozial mailetako langileek txalo gutiago nahiago dutela aldarrikatu dute, haatik soldaten emendioak eta lan baldintza hobeak galdetzen dizkiote Frantziako gobernuari, À¢Â€ÂœSégurÀ¢Â€Â osagarri sistemaren erreforma gogoetatzen ari denean.
CFDTk lehenik elkarretaratze bat antolatu zuen San Leon itzulgunean. Ondotik, LAB eta CGT sindikatuek elkartzerat deitu zuten, Baionako Suprefetura aitzinean.
Handik pasatu da Kriztof Arotzarena.
2020eko Ekainaren 19a
Iparla, Irubelakasko eta Artzamendiko maldetan, larunbatean ez da izan behar zen mendizale kopurua ibiliko. Urtero garai honetan iragaiten den Hirukasko mendi ibilaldia, ezeztatu behar izan dute.
Hala ere antolatzaileak beste aterabide baten gogoetatzen ari dira. Ximun Zubieta, buraso eta antolaketakoarekin mintzatu da Panpi Mercapide.
2020eko Ekainaren 19a
"Uda zaldiz eta euskaraz" pasatzea proposatzen dute Olhaldea zalditegian Saran.
Uztaileko arratsaldetan, zaldi kurtso, ibilaldi eta krakada proposatuko dute hiru orduz. Izen emaiteko deitu 05 59 54 28 94 edo emailez ceolhaldea@wanadoo.fr
Leire Fagoagak, zalditegi familiarra aurkeztu dio Panpi Mercapideri.
2020eko Ekainaren 19a
50 euro eskaintzen ditu frantses gobernuak, bizikletaren erabilpena laguntzeko helburuarekin, bereziki hirietan, autoen erabilpena murrizteko. Diru laguntza horrek balio du bizikleta zaharra konpontzeko, edo bigarren eskuko bat erosteko.
Parada guretzat Baionako Txirrindola elkartearekin aipatzeko. Bereziki, bizikletaren erabilpena eztabaida bizian delarik Baiona Biarritze Angelu aldean. Autodunen aldetik kritikak biltzen dituen behin behineko bizikleta bideak eman dituzte plantan.
Arantxa Idieder mintzatu da Beñat Blazquez Berasarterekin.
Webgune honetan xehetasunak badituzue 50 euro horien hunkitzeko gisan. Uztailaren 5ean, Bizi!-rekin batera, bizikleta bideen estrena egingo du Txirrindolak.
2020eko Ekainaren 16a
Duela urtea instalatu da Saran Aretxabaletako Katalin Antxia. Jantziak neurrian egiten ditu, berriz josten ditu edota tailerrak ere proposatzen ditu norbanakoak bere neurrian egiteko jantziak.
Atorretan berezitua da gipuzkuarra.
Ikastaldiak proposatzen ditu, soinekoak egiteko, zuek zuen jantzia egiteko ikastaldiak. Ondokoak Uztailak 15, 16, 17, 21, 22 eta 23an izango dira9:30etatik 12:30 artean. Modu Bat denda Saran ikastolaren aurrean da.
Olatz Idoate hurbildu da, Katalin Antxiaren dendara.
2020eko Ekainaren 15a
Mattin Mirande kanboarra kexu da. Badu orain 14 hilabete, euria ari duen bakoitzean, ur zikinek bere auzoko bidea estaltzen dutela, Burgachiloa auzoa.
"Kaka Bidea" izendatu du gune hori. Marga Forestier joan da bertara.
2020eko Ekainaren 15a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016