Larunbat arratsean abiatuko dira Angeluko ihauteriak, arratsaldeko 6.30tatik goiti Quintaoutik. San Pantzarren auziaren ondotik, jaten eta edaten ahalko da, eta dantzapikoak dantzatzen ahalko dira Saltoka taldearekin 8.30etatik goiti. Angeluarrak taldeak eta Kimua ikastolak antolaturik.
Nahia Imaz, ikastolako andereñoarekin hitzegin du Panpi Mercapidek.
2019ko Otsailaren 01a
Kanboko Latsarria elkarteak kontzertu bat antolatzen du larunbatean Kanboko gaztetxean. Metal In Kanbo gaualdian: Iron eta Maider eta Fizt&Furiuz taldeak izanen dira.
Alain Bosq elkarteko kidearekin aipatu du Panpi Mercapidek kontzertua eta elkartea bera.
2019ko Urtarrilaren 31a
Uda Leku-k AIGA ikastaldi bat proposatzen du, eta Adierazpen Jardueren inguruko formakuntza bat ondoko oporretan. Uztaritzen eginen dira bi formakuntzak, haurren oporren garaian otsailak 18, 19 eta 20an; martxoak 13, 14 eta 15ean.
Amets Lahetjuzan, Uda Lekukoak, huntaz eta azken berrietaz xehetasunak eman dizkio Panpi Mercapideri.
2019ko Urtarrilaren 30a
Ezpeletan elkartasun kantaldi bat antolatzen dute igandean, otsailaren 3an. Etekinak, Antoinette Etchebarne eta bere familiarentzat izanen dira, "Zapataindeia" etxea duela kasik hilabetea suak erre baitzuen osoki. Ezpeletako elizan, 5 abesbatzetako ehun bat kantarik parte hartuko dute kantaldian.
Antolatzaileetan den Jean Paul Brust, lehen auzoa da, eta Gozatuz taldearen zuzendaria. Panpi Mercapideri orroitarazi dio ezbeharra.
2019ko Urtarrilaren 29a
Herri borrokak uztartu nahi dituen egoitza da AmbaZADa, Notre-Dames-Des-Landes-n. Uda guziz, euskaldunak bertara joaten dira antolatu brigadaren baitan, egoitza eraikitzen segitzeko, bainan ondoko udan, G7a Biarritzen izango delakoan, usaiako topaketa astea Euskal Herrian antolatzea aurreikusi nahi izan dute urtarrilaren 26ko topaketetan.
Aitzineko astean pasa ziren ZADeko bi kiderekin egon zen Arantxa Idieder, bertako egoera zertan den aipatu dute, Beasaingo bilkura aitzin.
ZADetik etorri dira zonbait egunez Euskal Herrira, bertako mugimendu eta elkarteak ezagutzera, eta urtarrilaren 26ko biltzarrean parte hartzeko. Zertan ZAD joan den urteko poliziaren okupazioaren ondotik? Zoin dira haien asmoak?
Hartzea Lopez, Aman Komunak kolektiboko kidearekin hitzegin dugu.
2019ko Urtarrilaren 28a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016