Ikastoklik egitasmoa aurten ere abiatu du Matahami haur liburu argitaletxeak.
Hauen liburu bat manatuz webgunean zuzenki, hautatzen duzue ikastola bat, eta harat bidalia izanen da manaketa. Hautatu ikastolak salmentaren % 30 eskuratuko du.
Julie Mugica Matahami argitaletxekoarekin mintzatu da Panpi Mercapide.
2021eko Azaroaren 29a
Pilotako Frantses federazioko esku huska saileko bederatzi kideetarik seik dimisioa eman dute.
Duela urtea iragan ziren pilotako federazioko bozetan, Lilu Etxeverriaren zerrendan sartzea onartu zuten kide hauek, baldintza zonbaitzuekin. Eta horiek ez direla errespetatuak izan diote. Dimisioa eman duenetarik bat da Xan Paraxu, Xabi Karrikart mintzatu da harekin.
2021eko Azaroaren 29a
Bada urte batzu orain Sarako errugbi taldeak, Frantziako txapelketa utzi, eta Euskadiko txapelketan parte hartzea deliberatu zuela. Iaz gainera, urte pandemikoan, txapeldun gertatu zen Euskadiko lehen mailan.
Aurten haatik, sasoia zailagoa dute Lapurtarrek. Besteak indartu direla eta jokolari batzu galdu dituztela, bi partida galduak dituzte jada, azkena Iruñeko La Unikaren aurka, zafraldi bat bilduz etxean.
Patxi Jauregi presidentearekin egon da Olatz Idoate
2021eko Azaroaren 29a
Ziburuko Baltsan elkarteak bertso bazkaria proposatzen du azaroaren 27an: Sustrai Colina, Xumai Murua eta Maddi Ane Txoperenarekin.
Aitzin, herrian zehar izanen den bertso poteoan ariko diren bertsolariek: Haira Aizpurua Ibargarai, Irati Alcantarilla Urdanpilleta, Irantzu Idoate Funosas eta Josu Txoperena Iribarren.
Panpi Mercapide mintzatu da Baltsan elkarteko Ladix Lanouguère Arrosagaraiekin.
2021eko Azaroaren 26a
Euskararen Urtaroaren baitan Ziburuko herriak bi asteko programazioa osatu du lehen aldiz aurten. Joan den ostiraletik abenduaren 3ra, hamar ekitaldi programatuak dituzte, Ziburuko dozena bat elkarterekin lanean.
Denentzat izanen dela eskaintza euskaraz erran dauku Fanny Laskubé, Ziburuko euskararen axuantak.
Hitzordu nagusia azaroaren 27an izanen da, Ziburuko eskoletako haurrek poesiaren inguruko "Ene Zuhaitza" aurkeztuko dute. Maddi Zubeldiari mikroa luzatu dio Marga Forestiek.
2021eko Azaroaren 26a
Euskararen urtaroa kari, hitzordu frango ere badira Bardozen.
Amaia Bidegain Xarnegu ikastolako burasoarekin mintzatu da Kriztof Arotzarena.
2021eko Azaroaren 26a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016