Herri jokoak deneri idekiak izanen dira larunbat honetan. Gaia elkarteak, eukararen urtaroaren kari, hitzordua emaiten du Angeluko Orok bat gelan. Patxi Igoa eta Ibai Tellechea elkarteko bi aizkolarirekin mintzatu da Xabi Carricart.
Animazioak larunbat arratsaldeko 3etatik goiti hasiko dira.
2021eko Azaroaren 26a
"Janariarekin ez jostatu!" erranaldia zangopilatzen duen Gustuaren Kantua tailerra proposatua zauzue euskararen urtaroaren baitan.
Asteazkenean, azaroaren 24an Ezpeletan 10etarik eguerdi artean, Sarde Sardexkak eta Maider Cigarroa musikoterapeutak proposatuko dute janariarekin jolastuz kantu bat sortzea.
Xehetasunak galdegin ditu Panpi Mercapidek, Jenofa Irubetagoiena Sarde Sardexkako kideari.
2021eko Azaroaren 23a
"40 urtez Euskarari ahotsa emanez" lemapean, egun berezia antolatu du Gure Irratiak bere urtebetetzea ospatzeko. Abenduaren 11n iraganen da, goizeko 11etarik, arratseko 7ak arte, gure uhinetan.
8 orenez, hitzartze, oroitzapen, bertso, joko, musika. Hori baino lehen, kronikak eskaintzen ditugu astelehenero.
Joan den astean, Yvonne Arrossa, langile ohia entzun ginuen. Aldi honetan, Dani Duhalde Gure Irratiako lehendakari ohiarekin egon da Kriztof arotzarena
2021eko Azaroaren 23a
Urruñako nesken eskubaloi taldeak, Nazional 2an jokatzen du gaur egun, Frantziako 4. mailan, Atharratzeko taldearekin batera.
3 urtetan, bi aldiz mailaz igo dira Lapurtarrak, Pré-Nazionaletik Nazional 2ra.
Sasoi hastapen ona egin badute ere, beren lehen xedea ez da gaineko mailara igaitea. Maider Lasaga atezainarekin egon da Olatz Idoate.
2021eko Azaroaren 22a
MMA, Mixed Martial Art inglesez edo Arte Martzialen nahasketa euskaraz, borroka kirol bat da. Izenak dion bezala, teknika desberdinak baliatzen dituen borroka.
Amaturren sailean 67 kilo petikakoen sailean, munduko txapelduna Kanboarra da. Berriki Italian lortu du titulua. Ximun Hiriart Urrutirengana joan da Olatz Idoate.
2021eko Azaroaren 22a
À¢Â€ÂœAniztasunaz harroÀ¢Â€Â gaiaz bi mintzaldi proposatzen ditu JAKINOLA elkarteak Baionako Biltxokon. Azaroaren 19 eta 26an, biak, aratseko 7 orenetan
Xehetasunak galdegin dizkio Kriztof Arotzarenak Oriane Aiestaran Jakinolako langileari.
À¢Â€ÂœAniztasunaz harroÀ¢Â€Â gaia jorratzeko lehen mintzaldia, ostiral honetan, azaroaren 19an, 19.00: Kristina Ruizek zuzendurik, bi idazlerekin: Iratxe Retolaza eta Katixa Dolhare. Bigarrena, azaroak 26, 19.00, Itxaro Bordak zuzendurik, beste bi idazlerekin: Amaiur Epherre eta Miren Agur Meabe.
2021eko Azaroaren 19a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016