Gaztelu baten inguruan dute hitzordua Angeluko haurrek igande honetan, Olentzero ikusteko.
Kimua ikastolak, Olentzero gomitatu du aurten ere, abenduaren 15 honetan, Jules Ferry eskolatik abiatuko den desfilea, Barojako gazteluaren parkean bukatuko baita, eta bertan egun pasa leku ere antolatu dute, animazio ainitzekin.
Arantxa Idieder mintzatu da Angeluko ikastolako buraso den Fabien Mendibourrekin.
2019ko Abenduaren 13a
Euskal kantu bingo erraldoi bat proposatzen du Azkaingo ikastolak igandean, abenduaren 15ean Biltoki gelan arratsaldeko 3tan.
Iker Edme burasoak erran dauku zer den Kantu Bingoaren berezitasuna usaiako Loto bati konparatuz.
2019ko Abenduaren 13a
Bikotean ari den Zortzi taldearen ezagutzera joango gira. Euskal kantuak berriz hartzen dituzte, bi gitarra eskutan, eta bi ahotsen bitartez, bainan haien maneran.
Bixente Junca eta Xanti Legartok osatzen dute Zortzi taldea, eta Luna Negran kontzertu berezi bat eskainiko dute abenduaren 12an, ostegunean 20:15ean. Sorkuntzak ere egiten hasi baitira. Sartzeak aitzinetik salgai, Luna Negraren webgunean
Arantxa idieder joan da Aiherrara, bikotearen errepika batera.
2019ko Abenduaren 11a
Baionako Euskal Musoean, Olentzerok leku berezi bat du aste hauetan, erakusketa batekin.
Ekitaldi desberdinak proposatzen dituzte; joko bat abenduaren 21ean, dokumental bat 28an eta beste ekimen bat ere abenduaren 12 honetan, hitzaldi bat Olentzerotaz, Anuntxi Arana antropologoaren eskutik 18:00tan.
Idazlearekin mintzatu da Arantxa Idieder.
2019ko Abenduaren 11a
Adimen artifizialean eta sare neuronaletan oinarritutako puntako teknologia da itzultzaile berri hau. Urririk da itzultzailea.eus webgunean aurkitzen ahal dena, baita telefonoko aplikazioa ere deskargatuta.
5 hizkuntza mintzatzen ditu: euskara, gaztelania, frantsesa, katalana eta galegoa. Beste zerbitzu batzu ere baditu, dokumentu osoak adibidez itzultzen ahal ditu. Elhuyar fundazioko Itziar Cortes Etxaberekin mintzatu da Panpi Mercapide.
2019ko Abenduaren 10a
"Altxa" eskalada-mendi elkartea 2006an sortu zen, ingurumena errespetatzen duten mendi kirolak garatzeko.
Maylis Hargain, elkarteko kidea da eta bere pasioa den eskalada aipatu dio Panpi Mercapideri.
2019ko Abenduaren 09a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016