Makeako Joko Berri lehiaketak baditu bere finalistak.
Joan den larunbateko finalerdietan trenkatu ziren aferak, eta azkenean, Bideondo eta Etxegoin ariko dira Bielle eta Luro-ren aurka. Finala larunbat honetan 18.00etan hasiko da eta Bixente Bideondorekin mintzatu da Olatz Idoate.
Finala larunbat honetan 18.00etan, Bideondo-Etxegoin /Bielle eta Luro.
2023ko Azaroaren 10a
2019an hasi da ile apaintzale lanetan Naia Indaburu, bainan ttipidanik duen pasioa da.
Sare sozialetan ikusi dituzue berdin, bere mozketak. Duela zonbait hilabete, instalatu da bere kondu, aldiz momentuz bere Baionako apartamenduan du saloia.
Usaiako ile apaintzaile lanetaz gain, berezitasun bat badu Naia Indaburuk: mozketa energetikoa ere egiten baitu. Bere iduriko, ileak, gure osagarriaz informatzen gaitu, eta bere helburua da, harmonia bat eta oreka bat sortzea, barneko izatea eta kanpora erakusten dugun irudiaren artean. Arantxa Idieder joan da bere ezagutzera.
Naia Indabururekin harremanetan jartzeko Instagramen Hariak izenarekin atzemanen duzue, edo hortxe bere zenbakia: 06 33 23 30 53.
2023ko Azaroaren 10a
Baionako kontserbatorioak bultzaturik, "Biolin Atomikoen hil-kontzertua" antolatzen dute igandean urriaren 29an Biarritzeko Halloween herrixkaren baitan.
Marina Beheretxe, Iparraldeko Orkestraren lehen biolinak eta Delphine Labandibarrek eraman proiektuarentzat, Gipuzkoatik eta Frantzia osotik hurbildu musikariak badira, haur ala helduak nahasirik, Huntza taldearen Aldapan Gora adibidez edota film musiken bertsio batzu emango dituzte, igandean arratsaldeko 14:30tan.
Haize eta euria iragartzen baitute, baratze publikoan izan ordez, Aguilerako Jai Alaian izango da kontzertua, eta urririk. Marina Beheretxerekin aipatu dugu.
2023ko Urriaren 28a
Futbolean, bi euskal talde baizik ez dira gelditzen Frantziako Kopan.
Asteburu honetan, 6. Itzulia jokatuko da eta partida gogorrak izanen dituzte, biek. Baionako Aviron-ek, hiru maila gorago ari den Niort errezibituko du eta Miarritzeko Jeanne d'Arc-ek, bi maila gorago ari den Trélissac. Alta biek ere, ibilbide ederrak egin dituzte kopan. Miarritzeko protagonista bat, Hugo Agirrerekin egon da Olatz Idoate.
2023ko Urriaren 26a
Badu 9 urte Bastringue gaualdiak antolatzen dituztela Baionan, eta 84garrena izango da ostiral honetan, urriaren 20an gaueko 8:30tan, San Izpiritu auzoko Le Bistrot ostatuan.
Soinuarekin jostatzen diren Bilboko artista batzu gomitatu dituzte.
Ibon RG eta Enrique Hurtado bikotea, eta Gora Japon talde ohiko kide gisa ezagutzen dugun Myriam RZM. Arantxa Idieder mintzatu da Iban Regnier antolatzailearekin.
2023ko Urriaren 19a
Lekornen kokatua den Baigura ikastolak, proposamen bat ekartzen digu asteburu honetako.
Urriaren 21ean larunbatean, Hodi Aldea gelan, Urtz, Janus Lester eta DJ Üzkülüz gomitatu baidituzte.
Buraso diren Arantxa Uhalde eta Paul Mendiburuk, erran daukute ohituretan sartzen ari dela urtero antolatzen duten kontzertu hau.
2023ko Urriaren 18a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016