Ostalarien ihardokitzeak azken neurrien ondotik
Gehienik 6 lagunekin elkartzen ahal da orain gune publikoetan. Taldeak 10tik 6rat murrizteko manua eman du Eric Spitz departamenduko prefetak joan den larunbatean. Ostatuak eta jatetxeak neurriei egokitu behar zaizkie. Astearte honetan, beste neurri batzu gehitu ditu tartean, ostatuak gaueko 10etan hetsiko direla ostegun gauetik aitzina, jatetxeak ez aldiz. Lekuko festak, ikasle gaualdiak eta eskola ateraldiak ere debekatu ditu.
Baionako Coffee Muxu eta Uztaritzeko Arruntza auzoko Leku Eder ostatuetan ibili da Kriztof Arotzarena, ihardokitzeen biltzera, Henri Dascon eta Maritxu Lamarens-ekin egon da.
2020eko Urriaren 20a
Elkartea indartu nahian, etorkinak laguntzen dituen Eskuz Eskuk jendea bilatzen du
Etorkinen laguntzeko eta gerizatzeko xedez, sortu zen Eskuz Esku Makea eta Lekorne aldeko elkartea.
Hastapenean, berehalakotasunari erantzunez muntatu zuten elkartea. Orain, denbora gehiago hartu nahi lukete elkarte proiektuaren lantzeko – eta dei bat luzatzen diete nahiant guziei, hortaz interesatuak balira. Elkartearekin harremanetan jartzeko: eskuzesku@yahoo.com edo deitu Laure 06.63.77.43.82.
Esku Esku elkarteko Pantxika Arburuarekin mintzatu da Kriztof Arotzarena.
2020eko Urriaren 20a
“Petit guide du patient” hitzaldia ezeztatu dute
Osasun mentalaren astea kari, Angeluko Herriko Etxeak eta Baionako ospitaleak antolatu konferentzia ezeztatu berri dute.
Urriaren 22an izan behar zen, bainan prefetaren azken osasun neurriak direla eta ezeztatu behar izan dute. “Petit guide du patient” Lilia Mary Domballek animatu mintzaldian, eri bezala bizi izan dituenak kondatzen ditu, bere ikusmoldea ekartzen du umorearekin.
Hala ere hemen, haren hitzaldiaren aurkezpen bat, agian laster berriz emaiten ahalko duelako.
2020eko Urriaren 20a
Demode Quartet Hiribun izango da asteburuan
DEMODE QUARTET-en ikusgarria, Urriaren 17an, larunbat gauean izango da Hiriburuko La Perle gelan 20:30-tan. Herriko etxeak antolatzen du, Naroa Gorostiaga Kultur axuantarekin mintzatu da Kriztof Arotzarena.
Lekuen erreserbatzeko, Herriko etxeara deitu: 05 59 44 15 27.
2020eko Urriaren 16a
Elkartasun Ibiladia, etorkinekin elkartasunez
Aro txarra gatik gibelatu Elkartasunen edo etorkinen aldeko ibilaldia, urriaren 17an iraganen da, hiru aldarrikapen nagusirekin: Papergabe guzien erregularizazioa, erretentzio zentroen hestea eta bizitegi bat denentzat.
Goizean, hitzordua 11etan Hendaiako CRA erretentzio zentro aitzinean. Eta atsaldeko 4tan Baionako Roland Barthes zelaigunean. Maddi Sarasuak, Amaia Fontang, Etorkinekin kolektiboko kidearen argitasunak bildu ditu.
2020eko Urriaren 16a
"Sarako herriak honesten du Etxalartarrak ihizian aritzea Sarako eremuetan"
Urria heldu orduko, eta batzutan lehenago ere, Sara eta Etxalartar ihiztariek badakite elkartzeko parada izanen dutela. Aspaldiko ohitura da, xare-ihiziaren ongi kudeatzeko, Lapurdi eta Nafarroako herriek hitzarmen bat izenpetzen dute urtero.
Aurtengoa, irail ondarrean izenpetu zuten, Lizarrietako lepoan, baldintza berezietan, nola ez, baina egin hala ere. Miguel Mari Irigoien Etxalarko auzapezarekin batera, Sarakoa han zen. Battitt Labordekin dugu Olatz Idoate lankidea.
2020eko Urriaren 14a