"Altsasukoak Euskal Herriko harmailetan nahi ditugulako"
Atxuri Urdin, Sara aldeko Errealzale peñak Altsasukoen aldeko gaualdi bat antolatzen du ostiral honetan Saran.
7tan elgarretaratze. Ondotik Ellande Alfaro eta Amets Arzallusek, Pleka trinketea, herriko etxeko edantegia eta Keinu ostatuen artean bertso poteoa animatuko dute.
9tatik kontzertuak Aho Zakil Konexion eskualdeko punk taldeak idekiko du. Ondotik lehen aldiz Lapurdin Bergarako Kaleko Urdangak punk-oi taldea izanen da. Gaualdian zehar Binilo balak eta Kevin Jager disko jartzaileek dantzarako musika ezarriko dute.
Arantxa Idieder mintzatu da Joanes Garcia Basurkorekin.
2020eko Otsailaren 12a
Herrirari deitu zerrenda aurkeztu dute Itsasuko abertzaleek
Itsasuko abertzaleek beren proiektuak aurkeztu dituzte. HERRIARI zerrenda osatu dute, 19 hautagai eta 2 ordezko izanen dira.
Kriztof Arotzarena, Mikel Hiribarren eta Nicole Etxamendi zerrenda buruekin mintzatu da.
Herriko hauteskundeak, martxoaren 15 eta 22an izanen dira.
2020eko Otsailaren 11a
Euskal tradizioa eta errepertorio klasiko handia nola uztartu?
Euskal tradizioa eta musika klasikoak elkarren ondoan jartzen ahal direla uste du Marina Beheretxe biolina joleak.
Lau Sasuak proiektuarekin ere plantan eman zuen. Eta proiektu hortatik abiatuta gaur egun, Baionako kontserbatorioan irakaslea den musikariak, hitzaldi bat emango du astelehen honetan, 18tan Donibane lohizuneko Dukontenian, lehen estaian, frantsesez izango da.
Arantxa idieder mintzatu da harekin.
2020eko Otsailaren 10a
Ua ua, Luhuson duzue Libertimendua!
Lapurdin izango da aurtengo lehen libertimendua. Luhuson otsailaren 9an, 10etarik goiti desfilea gela berritik plazarat eta 11etan zirtzilek eta dantzariek hartuko dute plaza.
Zirtzilen errepikan izan da Panpi Mercapide joan den larunbatean, Xan Berterreche taula zuzendari lanetan ari zen.
Idoia Mentaberry eta Xermin Camblong zirtzilekin mintzatu da.
2020eko Otsailaren 07a
Italia edota Lituaniako ikasleak Xalbador kolegioan bildu dira
Erasmus astea iragan da pasa den astean Xalbador kolegioan Kanbon. Italia, Portugal, Inglaterra, Malta eta Lituaniako gazteak errezebitu dituzte.
Tailer, joko, kantu eta bisitek biziarazi dute egonaldia.
Azken egunean, ikasleen artean ibili da Panpi Mercapide, multxo bat ari zen kolaketa eta mozketa egiten, zer ari ziren nahi izan du jakin.
2020eko Otsailaren 06a
Ipar Euskal Herriko etorkinen harreraz pundua eginen dute Milafrangan
"Etorkinen harrera, zer errealitate Iparraldean?" gaualdi-eztabaida antolatzen dute Milafrangan, ostiralean, bertako Milaguntza eta Uztaritzeko Zubiak eta Bubamed elkarteek.
Bestearekin, Etorkinekin, Diakité, Atherbea, Pausa, Bizi-Etorkizuna, La Cimadeko elkarteetako lekukotasunak izanen dira.
Francisco Sanchez Rodriguez jurista berezituak ere hitza hartuko du. Milafrangako trinketeko Ursuia gelan, otsailaren 7an 19tan. Elkartearen funtsaz galdegin dio Kriztof Arotzarenak, Maddi Larraburu elkarteko kideari.
2020eko Otsailaren 05a