BERRIAK
Baionako besta erraldoien erdian, bada arnasgune bat, Patxa plaza. Eta azken urteetan ttipi gelditzen da gunea, Zizpa gaztetxeak antolatzen duen ekimenei esker baita Patxondo peña edota ondoko karrikan den Patxokiri esker ere.
Asteazken gauean bere besten idekitze alternatiboa proposatu zuen Zizpa gaztetxeak, Arantxa Idieder han zen eta bertako giroa entzutea proposatzen du.
Ostegun goizean, karrikak helduz eta haurrez josiak ziren. Arantxa Idieder ibili da jendeen artean, eta haurren artean ere, baita entzierro ttipian ere korrika egiten saiatu da.
Lierni Osa Gipuzkoako harri jasotzaileak hori azpimarratu zuen osteuneko desafioetan parte hartu ondotik.
Herri kirol animazioak proposatzen dituen Gaia elkarteak, Zizpa gaztetxearekin batera, erakustaldi berezia antolatu zuten atzo Patxa plazan. 6 aizkolari, 3 gizon eta 3 emazte, eta 3 harri jasotzaile, hiruak emazteak. Erreportaia entzun.
2023ko Uztailaren 28a
BERRIAK
Ipar Euskal Herriko sokorri zentro nagusia da Angeluko suhiltzaileen kaserna.
35 minuturo ateratzen dira bertatik suhiltzaileak, pertsonen sokorritzeko, sute baten itzaltzeko edo karrikan egon behar ez lukeen suge baten biltzeko. Angeluko kasernan, 121 suhiltzaile profesional eta 126 bolondres dira.
Arantxa Idieder joan da Angeluko kasernaren bisitatzera, hunen burua eta beraz komandante nagusiarekin, Nikolas Regerat eta Pampi Perugorria suhiltzaile profesionalarekin. Euskal Irratietan hedatu Hostoka, osoki entzuten ahal duzue.
2023ko Uztailaren 28a
BERRIAK
Baionako bestetako arnasgunea eta herriko plaza izan nahi du Karrikaldik.
Aurten ere, Jaques portes plazan, Baiona handian 4 egunetako egitaraua proposatzen dute. Ikusle egoteko dantza ikusgarri eta kantaldi, edo parte hartzeko ere, Dantzazpi eta Baionan Kantuz badituzue. Berritasun batekin, aurten Baionako bi ikastolek txosna bat izango dutela, eguerditik aitzina egunero, jateko eta edatekoarekin.
Arantxa Idieder, Guillaume Irigoien eta Lucille Darigrand bi antolatzailerekin mintzatu da.
Uztailaren 27a
Uztailaren 28a
Uztailaren 29a
Uztailaren 30a
2023ko Uztailaren 25a
BERRIAK
Ttitto Aguerre, sortzez Baxe-Nafartarra, gaur egun Senperen bizi da.
2004an, konpontzen zuen bere etxeko ateburu eta supazterreko zur zahar batetik abiatzen da bere zizelkari ibilbidea. 10 urte berantago artista autodidaktak, lehen erakusketa eginen du sortu dituen lanekin.
Uztailaren 15ean estrenatu du, momentuan ikusten ahal den "Baitan" deitu duen erakusketa, Miarritzeko LÀ¢Â€Â™Å“il du Prince galerian ikusgai da Foch etorbidearen 3.ean uztailaren 30a arte. Ondotik Senperen ikusten ahalko da, agorrilean. Panpi Mercapide Ttitto Aguerren ganat joan da Miarritzera, aste honetako Hostokada proposatzen digu.
2023ko Uztailaren 21a
BERRIAK
Larresoroko Ote Lore elkarteak urteroko hitzordua du asteburu huntan: Harrizko Zubiaren besta.
Larunbatean, uztailaren 22anpilota plazatik abiatuko da eguna, bertso pilota joko batentzat, eta ondotik, harrizko zubi ondoan pasako da bazkari eta eguna. Ondoko urtean 40 urte beteko dituen Ote Lore elkarteko kide den Arantxa Hirigoienekin mintzatu da Arantxa Idieder.
EGITARAUA:
11:00 etan Bertsu Pilota plazan
12:30 etan Zintzur bustitzea Harrizko Zubian
13:30 etan Bazkari alaitua
Toka txapelketa, zozketa eta taloak / Haurrentzat puzgarriak
ETIKETA GABE txarangarekin.
2023ko Uztailaren 20a
BERRIAK
Zuraideko bestak ostegun honetan abiatuko dira, eta igande arte egitarau oparoa prestatu dute, gazteentzako ala familian hurbiltzeko, denentzat izango da.
Lapurdiko herrian 60 bat kidez osatua da besta komitea, eta aurtengo egitarauan sartu dituzte Alaiki dantza taldea, joan den urtean bezala Andoni Oilokiegi, zikiroa, kutxa lasterketa, Nikotina, Xutik, Xiberotarrak edota Korrontzi taldeak ere besteak beste.
Arantxa Idiederren inguruan komiteko lau kide: Maylis Ladeuix, Ana Falxa, Ema Retegi eta Paxkal Etxegarai.
2023ko Uztailaren 19a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016